તા. ૧૦ નવેમ્બર ર૦ર૪ વિક્રમ સંવત ર૦૮૧ કારતક સુદ - ૯, રવિવાર
‘‘સંડેર'' ખાતે નિર્માણ પામશે શ્રી ખોડલધામ મંદિર : ભવ્યાતિભવ્ય શિલાપૂજન સમારોહ સંપન્ન
૧૦૦૮ યજમાનશ્રીઓએ શિલાપૂજન વિધિમાં લ્હાવો લીધો : ઉત્તર ગુજરાત બાદ હવે મધ્ય અને દક્ષિણ ગુજરાતમાં પણ શ્રી ખોડલધામ સંકુલ બનાવવાનો સંકલ્પ : નરેશભાઇ પટેલ
રાજકોટઃ શ્રી ખોડલધામ ટ્રસ્ટ-કાગવડ દ્વારા શ્રી ખોડલધામ ઉત્તર ગુજરાત (સંડેર)ના ૧૦૦૮ શિલાપૂજન સમારોહનું આયોજન કરવામાં આવ્યું હતું. ચેરમેન નરેશભાઈ પટેલની અધ્યક્ષતામાં યોજાયેલા આ શિલાપૂજન સમારોહમાં ૧૦૦૮ યજમાનોના હસ્તે મુખ્ય શિલા સહિત ૧૦૦૮ શિલાનું પૂજન કરવામાં આવ્યું હતું. શ્રી ખોડલધામ ટ્રસ્ટ-કાગવડના ચેરમેનશ્રી નરેશભાઈ પટેલની અધ્યક્ષતામાં ૧૦૦૮ યજમાન પરિવારો દ્વારા ૧૦૦૮ શિલાઓની પૂજન વિધિ શરૂ કરવામાં આવી હતી. હિંદુ શાષાોક્ત વિધિથી શાષાી મહેતા પ્રધુમ્ન પ્રહલાદજી (લાલાભાઈ) દ્વારા શિલાપૂજન વિધિ કરાવવામાં આવી હતી. શિલાપૂજન વિધિ પૂર્ણ થયે સૌ યજમાનો અને ઉપસ્થિત મહેમાનો દ્વારા મા ખોડલની મહાઆરતી કરવામાં આવી હતી. શિલાપૂજન વિધિમાં ઉપયોગમાં લેવાયેલ માતાજીની પ્રતિમા, બાજોઠ, પૂજાની થાળી, અબીલ, ગુલાલ, કંકુ, ચોખા, નાડાછડી, સોપારી, આચમની અને આસન સહિતની વસ્તુઓ યજમાન પરિવારને ભેટ સ્વરૂપે આપવામાં આવી હતી. શિલાપૂજન સમારોહમાં દાતાઓ દ્વારા દાનની સરવાણી વહાવીને મંદિર નિર્માણ માટે ઉદાર હાથે દાન જાહેર કર્યું હતું. તમામ દાતાઓનું નરેશભાઈ પટેલ અને ટ્રસ્ટી મંડળ દ્વારા સન્માન કરવામાં આવ્યું હતું. શિલાપૂજન પ્રસંગે શ્રી નરેશભાઈ પટેલે જણાવ્યું હતું કે, ૨૦૧૭માં કાગવડ ખાતે શ્રી ખોડલધામ મંદિરની પ્રાણ પ્રતિષ્ઠા કરવામાં આવી હતી. લેઉવા પટેલ સમાજ સમગ્ર ગુજરાતમાં પથરાયેલો છે ત્યારે ટ્રસ્ટીમંડળે નિર્ણય લઈને સમગ્ર ગુજરાતના લેઉવા પટેલ સમાજને ટ્રસ્ટની હુંફ મળે તે માટે ઉત્તર ગુજરાતના સંડેર ગામની બીજા શ્રી ખોડલધામ મંદિર નિર્માણ માટે પસંદગી કરવામાં આવી. ત્યારે આજે મા ખોડલની દયાથી આપણે સૌ શિલાપૂજન મહોત્સવના સહભાગી બન્યા છીએ. સંડેર ગામે શ્રી ખોડલધામ મંદિર બનવાથી ઉત્તર ગુજરાતના તમામ સમાજના લોકોને શ્રી ખોડલધામ ટ્રસ્ટના આરોગ્ય અને શિક્ષણની સેવાનો લાભ મળશે. ખોડલધામ એક સંસ્થા નહીં પણ વિચાર છે અને આ વિચાર સમગ્ર સમાજને સાથે લઈને ચાલવાનો છે. ઉત્તર ગુજરાત બાદ મધ્ય ગુજરાત અને દક્ષિણ ગુજરાતમાં પણ શ્રી ખોડલધામ સંકુલ બનાવવાનો આપણો સંકલ્પ છે. ખુશીની વાત એ છે કે, દક્ષિણ ભારતમાં વસતા લેઉવા પટેલ સમાજે પણ દક્ષિણ ભારતમાં ખોડલધામ સંકુલ બનાવવાની ઈચ્છા વ્યક્ત કરી છે. ગુજરાતમાં સૌરાષ્ટ્રનાં કાગવડ બાદ ઉત્તર ગુજરાતના સંડેર ખાતે પણ કાગવડ જેવું જ મા ખોડલનાં ભવ્ય મંદિરનું નિર્માણ થશે. સંડેર પાસે શ્રી ખોડલધામ સંકુલ ખાતે મા ખોડલનાં ભવ્ય મંદિરનું નિર્માણ થશે.
આ મંદિરની ડિઝાઇન કાગવડ ખાતેનાં મંદિર જેવી જ રહેશે. કલાત્મક મંડોવર રૂપ ચોકી શિખર પદ સહિત વિદ્યહેમ વાસ્તુ શાષા પ્રમાણે મંદિરનું નિર્માણ કરવામાં આવશે. રંગ મંડપ અને કોલી મંડપમાં સામ્રણ શિખર રહેશે જ્યારે એક મુખ્ય શિખર રહેશે. મુખ્ય શિખર સુધી મંદિરની ૭૦ ફૂટ ઊંચાઈ રહેશે, ૧૧૭ ફૂટ લંબાઈ અને ૬૫ ફૂટ પહોળાઈ હશે. મંદિરમાં ૯x૯ નું ગર્ભગળહ બનશે. ૬૫×૬૫ નો રંગ મંડપ બનશે. કોતરણી સાથે આર.સી.સી.માં મંદિરનું નિર્માણ થશે. મંદિરમાં સફેદ માર્બલની મા ખોડલની મૂર્તિની સ્થાપના થશે.
(3:36 PM IST)
છેલ્લા 8 દિવસમાં સૌથી લોકપ્રિય 
