વડોદરા મ્યુનિસિપલ કોર્પોરેશન (VMC)ના પૂર્વ ડેપ્યુટી મેયર યોગેશ પટેલ મુક્તિને 10 વર્ષ જૂના કેસમાં કોર્ટે 6 મહિનાની કેદની સજા ફટકારવા સાથે રૂ. 1 હજારનો દંડ ભરવાનો હુકમ કર્યો છે.

આ અંગે પ્રાપ્ત વિગતો મુજબ, 2014ના જાન્યુઆરી મહિનામાં શહેરના L & T સર્કલ નજીક VMCની દબાણ શાખાની ટીમ ફૂટપાથ પર રહેલા ગેરકાયદે દબાણો દૂર કરી રહી હતી. આ દરમિયાન ભાજપના સ્થાનિક કોર્પોરેટર યોગેશ પટેલ મુક્તિ ઘટના સ્થળે આવી પહોંચ્યા હતા. જેમણે વોર્ટ ઑફિસર તરીકે ફરજ બજાવતા જગમાલ નંદાણિયા સાથે ઝપાઝપી કરી હતી. આટલું જ નહીં, તેમણે દબાણ કરેલા લારી-ગલ્લાને પણ વાહનોમાં ઉતરાવી દીધો હતો. આ દરમિયાન બોલાચાલી ઉગ્ર બનતા પૂર્વ ડેપ્યુટી મેયરે વૉર્ડ ઑફિસરને લાફો માર્યો હતો.