(અશ્વિન વ્‍યાસ) ગાંધીનગર, ૨૪: વડાપ્રધાન શ્રી નરેન્‍દ્રભાઇ મોદીએ વિકસિત ભારતનું નિર્માણ ચાર પિલ્લર એટલે કે ગરીબ, યુવા અન્નદાતા અને નારીશક્‍તિના વિકાસથી કરવાની સંકલ્‍પના આપી છે. ૨૦૧૯માં વડાપ્રધાનશ્રીએ અન્નદાતા એટલે કે ખેડૂતોના સશક્‍તિકરણ માટે એક ક્રાંતિકારી નિર્ણય લીધો અને પ્રધાનમંત્રી કિસાન સમ્‍માન નિધિ યોજના શરૂ કરી, જે હેઠળ દેશના તમામ નાના ખેડૂતોના બેન્‍ક ખાતામાં વાર્ષિક રૂા. ૬૦૦૦ની નાણાંકીય સહાય આપવામાં આવી રહી છે. મુખ્‍યમંત્રી શ્રી ભૂપેન્‍દ્રભાઇ પટેલના નેતૃત્‍વમાં ગુજરાત સરકારે આ પહેલના અસરકારક અમલીકરણ દ્વારા ખેડૂતોનું આર્થિક સશક્‍તિકરણ સુનિﾍતિ કર્યું છે. ઉલ્લેખનીય છે કે, પ્રધાનમંત્રી કિસાન સન્‍માન નિધિ યોજના શરૂ થઈ ત્‍યારથી અત્‍યારસુધીમાં એટલે કે ૬ વર્ષમાં રાજયના ૬૬.૬૫ લાખ ખેડૂતોને ઈં ૧૮,૮૧૩.૭૧ કરોડની આર્થિક સહાય પૂરી પાડવામાં આવી છે.

પ્રધાનમંત્રી કિસાન સમ્‍માન નિધિ યોજનાના લાભ પાત્ર ખેડૂતો સુધી પહોંચે એ સુનિﾍતિ કરવા માટે ગુજરાત સરકારે મલ્‍ટી-લેવલ વેરિફિકેશન સિસ્‍ટમ્‍સ લાગુ કરી છે. આ પ્રણાલીનો ઉદ્દેશ યોજનાના અમલીકરણમાં પારદર્શિતા અને જવાબદારી જાળવવાનો છે. ૧૨માં હપ્‍તાથી જમીન વાવણીને ફરજિયાત બનાવવામાં આવી છે, જેથી ફક્‍ત પાત્રતા ધરાવતા ખેડૂતો જ આ યોજનાનો લાભ મેળવી શકે. આ અંતર્ગત, ખેડૂતોએ પોતાની જમીનને પોર્ટલ સાથે જોડવાની પ્રક્રિયા પૂર્ણ કરવાની રહેશે.

ભ્રષ્ટાચારને અટકાવવા માટે આધાર લિંકિંગ, ઈ-કેવાયસી અને ભૌતિક ચકાસણી ફરજિયાતઆ યોજનાના પારદર્શક અમલીકરણ માટે ૧૩માં  હપ્‍તાથી આધાર લિંકિંગ અને ડાયરેક્‍ટ બેનિફિટ ટ્રાન્‍સફર (DBT) સિસ્‍ટમ ફરજિયાત બનાવવામાં આવી હતી, જેના દ્વારા નાણાંકીય સહાય સીધી ખેડૂતોના આધાર સાથે જોડાયેલા બેન્‍ક ખાતાઓમાં મોકલવામાં આવે છે.

પ્રધાનમંત્રી કિસાન સમ્‍માન નિધિ યોજના હેઠળ આપવામાં આવતી નાણાંકીય સહાય ડાયરેક્‍ટ બેનિફિટ ટ્રાન્‍સફર દ્વારા ખેડૂતોના બેન્‍ક ખાતામાં જમા કરવામાં આવે છે. લાભાર્થી ખેડૂતો પીએમ-કિસાન પોર્ટલ પર તેમનું પેમેન્‍ટ સ્‍ટેટસ ચકાસી શકે છે. આ પોર્ટલ પર તેઓને બેન્‍કનું નામ, એકાઉન્‍ટ નંબર, વ્‍યવહારની તારીખ અને યુટીઆર નંબર જેવી વિગતો જોવા મળશે. ખેડૂતોને નાણાંકીય સુરક્ષા પૂરી પાડીને, રાજય કૃષિ ક્ષેત્રને મજબૂત બનાવી રહ્યું છે અને અવિરત વિકાસને પ્રેરિત કરી રહ્યું છે.