રાજ્યમાં અવારનવાર ચોરીની ઘટના સામે આવે છે. ત્યારે હવે ચોરોને પકડવા માટે ગુજરાત પોલીસ અધતન ટેક્નોલોજીનો સહારો ળઇ રહ્યું છે.  દાહોદમાં પણ ચોરીની ઘટના સામે આવી હતી. જેમાં દાહોદ પોલીસે ફરી એક વાર ડ્રોનની મદદથી ચોરોને ઝડપી પાડ્યા હતા.

ડ્રોનની મદદથી ગુજરાત પોલીસે હવે એક ડમ્પર લૂંટારુને પકડવામાં સફળતા મેળવી છે. ડમ્પર લૂંટીને ભાગી ગયેલો ગેંગ લીડર પોલીસથી બચવા માટે મકાઈના ખેતરમાં છુપાઈ ગયો હતો પરંતુ પોલીસ ડ્રોન દ્વારા તેને જોવામાં આવ્યો હતો. ગુજરાતના DGP વિકાસ સહાયે દાહોદ જિલ્લા પોલીસ દ્વારા ટેકનોલોજીનો સારો ઉપયોગ કરવા બદલ પ્રશંસા કરી છે. તેણે X પર આ રસપ્રદ પીછોનો વીડિયો પણ શેર કર્યો છે.

દાહોદ પોલીસે ડ્રોનની મદદથી ડમ્પર સહિત બે શખ્સોને ઝડપી પાડયા છે. અંવિતા હોટલ નજીક એક ફોર વ્હીલર ગાડીમાં એક શંકાસ્પદ શખ્સનો પીછો કરતા સમગ્ર મામલો સામે આવ્યો હતો. હરિયાણાના બે શખ્સ સહિત દાહોદ LCBએ ડમ્પર પણ કબજે કર્યું છે. ત્યારે  વધુ એક વખત દાહોદ પોલીસે ડ્રોનની મદદથી ગુનાનો ભેદ ઉકેલ્યો છે