સાબરકાંઠા જિલ્લાના ઈડર-ખેડબ્રહ્મા હાઈવે પર ગોઝારો અકસ્માત સર્જાયો છે, જેમાં 15થી વધુ લોકો ઘાયલ થયા છે અને 4 લોકોના મોત થયા છે. આ અકસ્માત ટ્રકની પાછળ એક જીપ ઘૂસી જતાં સર્જાયો હતો.

પ્રાથમિક માહિતી અનુસાર, જીપમાં 40થી વધુ શ્રમિકો સવાર હતા, જે ઈડર તરફથી મજૂરી કામ પૂર્ણ કરીને પોતાના ઘરે પરત ફરી રહ્યા હતા. અકસ્માતમાં 15થી વધુ લોકો ગંભીર રીતે ઘાયલ થયા છે, જેમને તાત્કાલિક વડાલી અને ઈડર હોસ્પિટલમાં રિફર કરવામાં આવ્યા છે.

વિશ્વસનીય સૂત્રોના જણાવ્યા મુજબ, 108 એમ્બ્યુલન્સ અને પોલીસની ટીમ ઘટના સ્થળે પહોંચી છે અને રાહત કાર્ય શરૂ કર્યું છે. અકસ્માતના કારણે સ્ટેટ હાઈવે પર ટ્રાફિક અવરોધિત થઈ ગયો છે. આ દુર્ઘટનાને પગલે સ્થાનિક તંત્ર સામે પ્રશ્નો ઊઠી રહ્યા છે. લોકોનું કહેવું છે કે વધુ સાવચેતીઓ અને નિયમો લાગુ કરીને આવી દુર્ઘટનાઓ ટાળી શકાય છે. આ અફસોસજનક અકસ્માતને લઈને સ્થાનિકો અને પરિવારોમાં શોકનું મોજું ફરી વળ્યું છે