રાજકોટ, તા.૧૦: ગુજરાતભરમાં ૨૬૩ થી વધુ ગુન્‍હાઓ જેમના નામ પર બોલે છે, અને ૧૯ ,૧૯ વર્ષથી હાહાકાર મચાવનાર ખૂંખાર સિકલીગર ગેંગના ૧૭ ગેંગસ્‍ટરો સામે ગુજરાતમાં પ્રથમ વખત ગુજસીટોક હેઠળ વડોદરા ક્રાઇમ બ્રાન્‍ચ દ્વારા પોલીસ કમિશનર નરસિંહમાં કોમારની  સૂચના અંતર્ગત ગુજસિટોક હેઠળ કાર્યવાહી કરતા સન્નાટો મચી ગયો છે.

ક્રાઇમ બ્રાન્‍ચ દ્વારા ૧૯ પૈકી ૧૦ આરોપી તો પોલીસ કમિશનરનાં માર્ગદર્શન નીચે પકડી લીધાનું ડીસીપી પન્ના મોમૈયા જણાવે છે. ઉકત બાબતે અકિલા સાથેની વાતચીતમાં વડોદરા પોલીસ કમિશનરે નરસિંહમાં કોમારે જણાવેલ કે, ગેંગના ત્રાસથી રાજ્‍ય ભરના લોકો ખૂબ ત્રાહિમામ્‌ પોકારી ઊઠયા હતા પરંતુ  આ ગેંગ ખૂબ ખૂંખાર અને ઝનૂની હોવાથી લોકો ફરિયાદ કરતા ડરી રહી હોવાનું ધ્‍યાને આવતા અમદાવાદ ક્રાઈમ બ્રાન્‍ચની અમારી ટીમ દ્વારા એક માસથી આ ગેંગની જન્‍મકુંડળી મેળવવા એક્‍ટિવ બની હતી. આ દરમિયાન તમામની ઓળખ મેળવી કોણે કેટલા ગુન્‍હા કર્યા તે તમામ વિગતો ક્રાઇમ બ્રાન્‍ચ ટીમ દ્વારા એકઠી કરી લીધા પછી આ ધડાકો કરતા લોકોમાં હર્ષ છવાયા સાથે સતત અભિનંદન વર્ષી રહ્યા છે.