ભરૃચ,તા.૧૨

વારસાઇનું કામ કરવા માટે ગેરકાયદે ગોઠવાયેલા નેટવર્કને વીંધીને લાંચ રૃશ્વત વિરોધી વિભાગે ભરૃચ જિલ્લાના શુકલતીર્થના તલાટી સહિત ત્રણ વ્યક્તિઓને રૃપિયા આઠ હજારની લાંચ લેતા ઝડપી પાડ્યા હતા. છેલ્લા દોઢ વર્ષથી ફરિયાદીને વારસાઇના કામ બાબતે તલાટી કમ મંત્રી દ્વારા ધક્કા ખવડાવવામાં આવતા હતા. આખરે લાંચીયા ત્રીપુટી દ્વારા લાંચની માંગણી થી લાંચની સ્વીકૃતિ સુધી રચાયેલા નેટવર્કનો ઘટસ્ફોટ કરીને લાંચીયાઓને રંગે હાથ લાંચ લેતા ઝડપી પાડવામાં આવ્યા હતા.

સૂત્રોના જણાવ્યા અનુસાર આ કિસ્સાના ફરીયાદીનાઓ વારસાઈનાની કામગીરી અર્થે શુક્લતિર્થ ગ્રામ પંચાયત ખાતે આવી આ કામના તલાટી કમ મંત્રી ઉમેશકુમાર નટવરભાઇ પટેલને મળ્યો હતો.  વારસાઈ બાબતેના જરૃરી કાગળો તેમની સમક્ષ રજુ પણ કર્યા હતા. તેમ છતા આ કામના તલાટીએ વારસાઈનુ કામ કરેલ નહી અને દોઢેક વર્ષથી ધક્કા ખવડાવતા હતા. ફરીથી ફરીયાદી આ કામ માટે  આરોપી તલાટી કમ મંત્રી ઉમેશભાઇને મળેલ અને વારસાઇનુ કામ કરી આપવા જણાવેલ,  જેથી આરોપીએ વારસાઈના કામના રૃ.૮૦૦૦ થશે તેમ જણાવ્યુ  હતુ. તેની સાથે, તમે કેનિલભાઈ(વી.સી.ઈ)ને મળી લેજો તેમ જણાવ્યુ હતુ. જેના પગલે ફરીયાદી  રવિરાજસિંહ ઉર્ફે કેનીલ રાજેન્દ્રસિંહ પરમારઅ (વી.સી.ઈ) સાથે મળી વારસાઈને કામ લગત વાતચીત કરી હતી. પરંતુ તલાટી દ્વારા માંગેલ લાંચની રકમ આ કામના ફરીયાદી આપવા માંગતા ન હોવાથી તેઓએ એ.સી.બી.નો સંપર્ક કરી ફરીયાદ કરી હતી. જેના આધારે એસીબી દ્વારા આજરોજ લાંચના છટકાનું આયોજન કરતાં તલાટી કમ મંત્રી ઉમેશકુમાર નટવરભાઇ પટેલ દ્વારા કરવામાં આવેલી  લાંચની માંગણી આધારે તેમના વતી રવિરાજસિંહ ઉર્ફે કેનીલ પરમારે હેતુલક્ષી વાતચીત કરી લાંચની રકમ ખાનગી વ્યક્તિ ચિરાગ મયુકાંતભાઇ ત્રીવેદીને આપવા જણાવ્યુ હતુ.આમ આ નેટવર્કમાં ઉંડાણ સુધી પહોંચીને એસીબીની ટીમે રૃપિયા આઠ હજારની  લાંચ સ્વિકારતાં તેને રંગેહાથ ઝડપી પાડ્યો હતો.