ગાંધીનગરથી શિક્ષણ જગતને લઈ સૌથી મોટા સમાચાર સામે આવ્યા છે. વિગતો મુજબ ધોરણ 10 અને 12ની બોર્ડની પરીક્ષાના પરિણામને લઈ આ અપડેટ સામે આવી છે. 15 એપ્રિલ પછી ધોરણ 12 વિજ્ઞાન પ્રવાહનું પરિણામ જાહેર થવાની સંભાવના છે. આ સાથે એપ્રિલના અંતિમ સપ્તાહમાં 12 સામાન્ય પ્રવાહનું પરિણામ આવી શકે છે. આ સાથે મે મહિનાની શરૂઆતમાં ધોરણ 10ની બોર્ડની પરીક્ષાનું પરિણામ આવી શકે છે. જોકે આ અંગે હજી સુધી સત્તાવાર જાહેરાત થઈ નથી.

   ગુજરાત માધ્યમિક અને ઉચ્ચત્તર માધ્યમિક શિક્ષણ બોર્ડ, ગાંધીનગર દ્વારા પરીક્ષા ફેબ્રુઆરી-માર્ચ 2025માં યોજાઇ હતી. જેમાં ધોરણ 10, ધોરણ 12 સામાન્ય પ્રવાહ અને વિજ્ઞાન પ્રવાહની જાહેર પરીક્ષા 27 ફેબ્રુઆરી, 2025થી પૂર્ણ થઈ હતી. જે બાદમાં હવે આ બોર્ડ પરીક્ષાના પરિણામને લઈ મોટી અપડેટ સામે આવી છે કે, એપ્રિલના અંતિમ સપ્તાહમાં બોર્ડ પરીક્ષાનું પરિણામ જાહેર થઈ શકે છે.