મકાનોની ડિમાન્ડ ઘટવા છતાં રિયલ્ટી પ્રોજેક્ટનાં રજિસ્ટ્રેશનમાં વધારો
ગુજરાતમાં છેલ્લા કેટલાક સમયથી રિયલ એસ્ટેટ માર્કેટમાં મંદીનો માહોલ છે. મકાનોની ડિમાન્ડ ઘટી ગઈ છે. ઘણા રેસિડેન્શિયલ પ્રોજેક્ટ બનીને તૈયાર છે, પણ કોઈ ગ્રાહક નજર નાખવા પણ આવતું નથી. ગ્લોબલ ઈકોનોમી ડામાડોળ થતા તેની અસર મકાનોની ડિમાન્ડ પર પડી છે : ડેવલપર્સની લોભામણી ઓફરો પણ લોકોને આકર્ષવામાં નિષ્ફળ રહી છે. આવી સ્થિતિમાં પણ રાજ્યમાં નવા પ્રોજેક્ટ્સનું રજિસ્ટ્રેશન વધ્યું, નવા પ્રોજેક્ટ્સના રજિસ્ટ્રેશનમાં ગત વર્ષ કરતા ૬ ટકા વધારો જોવા મળ્યો છે
અમદાવાદ,તા.૧૦: અમેરિકાના કારણે ગ્લોબલ ઈકોનોમીની સ્થિતિ હાલ ડામાડોળ થઈ ગઈ છે અને વિશ્વમાં મંદીના વાદળો છવાયેલા જોવા મળી રહ્યા છે. ભારતનું અર્થતંત્ર પણ હાલ સુસ્ત થઈ ગયું છે અને તેની સીધી અસર રિયલ એસ્ટેટ સેક્ટર પર થઈ છે. ગુજરાતમાં પણ રિયલ એસ્ટેટ સેક્ટરમાં મંદીનો માહોલ છે. ઘણા રેસિડેન્શિયલ પ્રોજેક્ટ બનીને તૈયાર છે પણ કોઈ ખરીદનાર નથી. આવા સમયમાં એક આﾍર્યજનક વાત સામે આવી છે. ઘટી રહેલી ડિમાન્ડ વચ્ચે ફાઈનાન્શિયલ યર ૨૦૨૪-૨૫માં રિયલ એસ્ટેટ પોજેક્ટના રજિસ્ટ્રેશનમાં વધારો નોંધાયો છે. ગુજરાત રિયલ એસ્ટેટ રેગ્યુલેટરી ઓથોરિટી (GujRERA)ના આંકડા મુજબ, નાણાકીય વર્ષ ૨૦૨૪-૨૫માં ૧,૮૨૩ પોજેક્ટ્સનું રજિસ્ટ્રેશન થયું છે. જે ગત વર્ષ કરતા ૬ ટકાનો વધારો દર્શાવે છે. ગત નાણાકીય વર્ષમાં ૧,૭૧૩ પોજેક્ટ્સનું રજિસ્ટ્રેશન થયું હતું.
એક્સપર્ટ્સનું માનવું છે કે, વર્ષના અંતમાં માગ વધવાની આશાએ પહેલા નવ મહિનામાં પોજેક્ટ રજિસ્ટ્રેશન્સમાં વધારો થયો છે. તે ઉપરાંત જંત્રી વધે તે પહેલા જ ડેવલપર્સે પોતાના પોજેક્ટને મંજૂર કરાવી લીધા હતા એટલે તે પોજેક્ટ્સને RERA રજિસ્ટ્રેશન્સ મળી ગયું છે. ગુજરાતના જુદા-જુદા જિલ્લાઓમાં વિવિધ કેટેગરીમાં નવા ૧,૮૨૩ પ્રોજેક્ટનું રજિસ્ટ્રેશન થયું છે અને સાથે જ મોટી સંખ્યામાં નવા પ્રોજેક્ટ્સની જાહેરાત પણ થઈ છે. ક્રેડાઈ ગુજરાતના વાઈસ પ્રેસિડન્ટ વિરલ શાહે જણાવ્યું હતું કે, આંકડા દર્શાવે છે કે ડેવલપર્સ રિયલ એસ્ટેટ ક્ષેત્રને લઈને ઉત્સાહિત છે. તેમણે જણાવ્યું હતું કે, ગત નાણાકીય વર્ષના પહેલા છ મહિનામાં ઘણા નવા રિયલ એસ્ટેટ પ્રોજેક્ટ લોન્ચ થયા હતા. તેમ ટાઈમ્સ ઓફ ઈન્ડિયાના અહેવાલ જણાવે છે.
ઈન્ડસ્ટ્રીના સૂત્રોએ જણાવ્યું હતું કે, નાણાકીય વર્ષ ૨૦૨૫ના છેલ્લા ક્વાર્ટરમાં માગમાં સુસ્તી રહી હતી પરંતુ રજિસ્ટ્રેશન પેટર્ન બદલાઈ નથી. તેમના જણાવ્યા મુજબ, રાજ્ય સરકારે જંત્રીનો ડ્રાફ્ટ તો જાહેર કરી દીધો પણ તેના અમલની તારીખ જણાવી ન હતી. જોકે, પાછલા કેટલાક વર્ષોમાં ઘણા નવા રિયલ એસ્ટેટ પ્રોજેક્ટ લોન્ચ થયા છે.
એક ડેવલપરે પોતાનું નામ જાહેર ન કરવાની શરતે ટાઈમ્સ ઓફ ઈન્ડિયાને જણાવ્યું હતું કે, જંત્રી વધ્યા પછી FSI કોસ્ટમાં થનારા વધારાથી બચવા માટે ડેવલપર્સે અપકમિંગ પ્રોજેક્ટ્સના પ્લાન પાસ કરવાની પ્રક્રિયા પૂરી કરી લીધી છે. જોકે, RERA રજિસ્ટ્રેશન મળવામાં થોડો સમય લાગશે. સૂત્રોએ એમ પણ જણાવ્યું હતું કે, GujRERA વ્યાપક પ્રોજેક્ટ રજિસ્ટ્રેશન સર્વિસ સુનિﾍતિ કરવાની દિશામાં કામ કરી રહ્યું છે. ખાસ કરીને એ જિલ્લામાં જ્યાં કેટલાક રિયલ એસ્ટેટ ડેવલપર્સએ પોતાના નવા પ્રોજેક્ટનું રજિસ્ટ્રેશન કરાવ્યું નથી.
ગુજરાતમાં નાણાકીય વર્ષ ૨૦૨૪-૨૪માં રજિસ્ટર થયેલા ૧,૮૨૩ પ્રોજેક્ટમાંથી કયાં કેટલાનું રજિસ્ટ્રેશન થયું તેની વાત કરીએ તો અમદાવાદમાં ૫૫૦, વડોદરામાં ૨૧૯, સુરતમાં ૩૪૩ અને રાજકોટમાં ૧૫૭ પ્રોજેક્ટનું રજિસ્ટ્રેશન થયું છે.(૪૦.૨૯)
(2:46 PM IST)
છેલ્લા 8 દિવસમાં સૌથી લોકપ્રિય 
