રાજકોટ, તા.૧૪: સંકટમોચન મહાવીર હનુમાનદાદાની જન્‍મ જયંતિ દેશભરમાં ભક્‍તિભાવપૂર્વક યોજવામાં આવી. આ પાવન અને પવિત્ર દિવસે રાજકોટ રેન્‍જ ig અશોક કુમાર યાદવના માર્ગદર્શન હેઠળ દેવભૂમિ દ્વારકા એસપી નીતીશ પાંડેના નેતળત્‍વમાં ખરા અર્થમાં હનુમાન જયંતિના દિવસે એક અદભૂત અને આજ સુધીના ઇતિહાસમાં કદી ન થયું હોય તેવું જે કાર્ય પોલીસ ટીમ દ્વારા થયેલ છે, જે કિસ્‍સો હવે દ્વારકા અને સૌરાષ્‍ટ્રના સીમાડા વટાવી ગુજરાતભરમાં વાયરલ થયો છે. તો ચાલો આખી ઘટનાની માહિતી મેળવીએ.

દેવભૂમિ દ્વારકા જિલ્લામાં બેટ દ્વારકા ખાતે બાલાપર વિસ્‍તારમાં થયેલ ડિમોલીશન કાર્યવાહી દરમિયાન બાવળના જંગલમાં એક પૌરાણિક ખંડેર હાલતનું મંદિર જેવું જણાતા સ્‍થાનિક વળદ્ધ તેમજ ભાવીકોની પૂછપરછ દરમ્‍યાન આ મંદિર ૧૦૦ થી ૧૨૫ વર્ષ પુરાણું  નેપાળી શૈલીનું હનુમાનજીનું મંદિર હોવાનું અને આશરે ૪૦ થી ૫૦ વર્ષ પહેલા ડેમોગ્રાફિક પરિસ્‍થિતિ બદલાતા અસામાજીક તત્‍વોની ગતિવિધિના કારણે તેમજ ભક્‍તો - દર્શનાર્થીઓનું  જવાનું ઓછું થવા લાગતા મંદિરની પવિત્રતાને ધ્‍યાનમાં રાખી ત્‍યાંના ભાવિકો દ્વારા મંદિરમાંથી હનુમાનજીની મૂર્તિને અન્‍યત્ર  સ્‍થળે  સ્‍થળાંતર કરી દેવામાં આવેલાનું જાણવા મળેલ જેથી દેવભૂમિ દ્વારકા જિલ્લા પોલીસ દ્વારા આ મંદિરનો પુનઃ જીર્ણોદ્ધાર કરાવી  તા.૧૨/૦૪/૨૦૨૫ ના હનુમાન જયંતિના શુભ દિને  મંદિરની મૂળ હનુમાનજીની મૂર્તિને પરંપરાગત ધાર્મિક વિધિથી  પુનઃ સ્‍થાપિત કરવામાં આવેલ છે.

અત્રે એ યાદ રહે કે વિશ્વ પ્રસિદ્ધ દેવભૂમિ દ્વારકા આસપાસ અને હર્ષદ માતાજી મંદિર નજીક થયેલ વર્ષો જૂના દબાણ રાષ્‍ટ્રીય સુરક્ષા માટે ખતરારૂપ હોવાની ઇનપુટ આધારે દૂર કરવાનું હિંમતભેર થયેલ, જેની નોંધ પીએમ સહિતના મહાનુભાવ દ્વારા લેવામાં આવી, હાલના મંદિર પુનઃ નિર્માણના કાર્યથી ભાવિકોના હૃદયમાં પોલીસનું સ્‍થાન આ મુદ્દા પ્રસ્‍ત્‍વે મુઠી ઊંચેરૂ થયું છે. અને આનો અંદાજ દેવ ભૂમિ દ્વારકા જીલ્લા પોલીસ વડા નિતેશ પાંડે સહિતની ટીમ પર જે ભાવભેર અભિનદન હજુ નિરંતર ચાલુ છે તે ખૂબ મોટું પ્રમાણ છે