રાજકોટ, તા.૧૫: સુપ્રસિદ્ધ સુપરસ્‍ટાર સલમાનખાનના નિવાસસ્‍થાન ગેલેક્‍સી એપાર્ટમેન્‍ટ પર ફાયરિંગ, સતત મળતી ધમકીઓ વચ્‍ચે  આ કલાકાર લોંખડી સુરક્ષા, બુલેટપ્રુફ કાર અને બુલેટપ્રુફ બાલ્‍કનીની દીવાલ વચ્‍ચે રહે છે, છતાં ધમકીનો સિલસિલો ચાલુ હોય તેમ તાજેતરમાં ફરી એક વખત ધમકીભર્યો મળેલ ઈ-મેઈલ વડોદરા ગ્રામ્‍યના વાઘોડિયાથી આવ્‍યો હોવાની જાણ થતા મુંબઈ ક્રાઈમ બ્રાન્‍ચ વડોદરા દોડી આવેલ

મુબઈ ક્રાઇમ બ્રાન્‍ચ દ્વારા મુંબઈ આવતા પહેલા વડોદરા ગ્રામ્‍યના જીલ્લા પોલીસ વડા એવા અનુભવી આઈ.પી.એસ. રોહન આનંદને જાણ કરતા તેવો દ્વારા તુરંત આ યુવાનને શોધી કાઢી પોતાની ટીમ દ્વારા ઝીણવટભરી પૂછપરછ કરેલ. આ પૂછપરછમાં યુવાન માનસિક બીમાર લાગ્‍યો હતો તેમ રોહન આનંદે અકિલા સાથેની વાતચીતમાં જણાવ્‍યું હતું. આ યુવાનના રહેઠાણ સ્‍થળની તપાસ કરવા સાથે આસપાસ રહેતા લોકો મારફત પણ તપાસ કરી કરાવવી હતી. એને આ મામલે સર્વાંગી રિપોર્ટ પણ મુંબઈ પોલીસને કરેલો.

દરમિયાન બનાવની ગંભીરતા સમજી મુંબઈ પોલીસની ક્રાઈમ બ્રાન્‍ચ ટીમ પણ દોડી આવેલ અને આરોપી યુવાનની સઘન પૂછપરછ કરી હતી. આરોપીને નોટિસ પણ ક્રાઇમ બ્રાન્‍ચ દ્વારા આપવામાં આવી હતી. (રર.૧૪)