અમદાવાદ: શાહીબાગ ખાતેની ફોરેન પોસ્ટ ઓફિસમાં એક પાર્સલ આવ્યું હતું. જેમાં તાંબાના બાર હોવાનું ડેકલેરેશન કરવામાં આવ્યું હતું. અમદાવાદની એક કંપની દ્વારા આયાત કરવામાં આવેલા આ પર્સલનું જ્યારે એક્સરે મશીનમાં સ્ક્રીનિંગ કરવામાં આવ્યું ત્યારે તેમાં સોનાના પાંચ બિસ્કીટ મળી આવ્યા હતા. 50 ગ્રામનું એક એવા પાંચ સોનાના બિસ્કીટનું વજન 250 ગ્રામ અને તેની કિંમત 24 લાખ રૂપિયા જેટલી થાય છે. હવે આયાત કરનાર કંપની અને મોકલનારની ક્સ્ટમ્સમની ટીમ દ્વારા તપાસ શરૂ કરવામાં આવી છે.