અમદાવાદ, તા.૧૬: હાલમાં મોંઘવારીએ લોકોની કમર તોડી નાંખી છે તેવામાં ટ્રમ્‍પની ટેરિફના કારણે ઈકોનોમી અનિશ્‍ચિતિતાની સ્‍થિતિમાં છે અને તેની સીધી અસર રિયલ એસ્‍ટેટ સેક્‍ટર પર દેખાઈ રહી છે. હાલમાં અમદાવાદ સહિત ગુજરાતનું રિયલ એસ્‍ટેટ માર્કેટ મંદીમાં ચાલી રહ્યું છે. એક તરફ મોંઘવારીના કારણે સામાન્‍ય લોકો માટે ઘર ખરીદવું પહોંચની બહાર થઈ રહ્યું છે તો બીજી તરફ અમદાવાદમાં અડધો અડધ રેસિડેન્‍શિયલ પ્રોજેક્‍ટ્‍સ વેચાયા વગરના પડી રહ્યા છે, જેનો અર્થ એ છે કે હાલમાં અમદાવાદમાં ડિમાન્‍ડ કરતાં સપ્‍લાય ઘણો વધારો છે. જેના કારણે બિલ્‍ડર્સ પણ ટેન્‍શનમાં છે. જોકે, હવે વેચાણ વધારવા માટે બિલ્‍ડર્સ પણ જુગાડ કરી રહ્યા છે અને તેઓ 2BHK એફોર્ડેબલ હાઉસિંગ એપાર્ટમેન્‍ટને સિંગલ 4BHK લક્‍ઝરી એપાર્ટમેન્‍ટ તરીકે વેચી રહ્યા છે.

જોકે, રિયલ્‍ટી એક્‍સપર્ટ્‍સ 2BHK એફોર્ડેબલ હાઉસિંગ સેગ્‍મેન્‍ટને 4BHK લક્‍ઝરી એપાર્ટમેન્‍ટ તરીકે વેચવાના બિલ્‍ડર્સના તિકડમને કોમ્‍પ્રીહેન્‍સિવ જનરલ ડેવલપમેન્‍ટ કંટ્રોલ રેગ્‍યુલેશન્‍સ (CGDCR)નું ખુલ્લેઆમ ઉલ્લંઘન ગણાવી રહ્યા છે. નિયમો પ્રમાણે રેસિડેન્‍શિયલ એફોર્ડેબલ હાઉસિંગ (RAH) ઝોનમાં ડેવલપર્સ ફક્‍ત ૯૦ ચોરસ મીટર સાઈઝના હાઉસીસને એફોર્ડેબલ કેટેગરીમાં વેચી શકે છે. જે સામાન્‍ય રીતે ટૂ કે થ્રી બેડરૂમ-હોલ-કિચન (BHK) ગણવામાં આવે છે.

જોકે, ઘણા ડેવલપર્સ આ નિયમોનું ઉલ્લંઘન કરીને બે 2-BHK મકાનોને કમ્‍બાઈન કરીને એટલેકે જોડીને તેનું માર્કેટિંગ 4-BHK યુનિટ તરીકે કરી રહ્યા છે, જે નિર્ધારિત ૯૦ ચોરસ મીટર મર્યાદા કરતાં વધુ છે. શેલા, સાઉથ બોપલ અને શિલજ જેવા વિસ્‍તારોમાં બિલ્‍ડર્સ આવું તિકડમ કરીને વેચાણ વધારવાનો પ્રયાસ કરી રહ્યા છે.

અંગ્રેજી દૈનિક અમદાવાદ મિરરના રિપોર્ટમાં એક ડેવલપરે નામ જાહેર ન કરવાની શરતે જણાવ્‍યું હતું કે, અમદાવાદમાં જમીન ભાવ વધી રહ્યા છે અને તેની સાથે સાથે કન્‍સ્‍ટ્રક્‍શન કોસ્‍ટમાં પણ વધારો થઈ રહ્યો છે. જેના કારણે રેસિડેન્‍શિયલ એફોર્ડેબલ હાઉસિંગ ઝોનમાં ૪૫ લાખ રૂપિયાની નિર્ધારિત એફોર્ડેબલ કિંમતે મકાનો વેચી શકાતા નથી. થોડા વર્ષો પહેલા શેલા અને સાઉથ બોપલ જેવા વિસ્‍તારોમાં ટૂ અને થ્રી BHK એપાર્ટમેન્‍ટ્‍સ ૫૦ લાથી ૬૫ લાખ રૂપિયાની રેન્‍જમાં મળી રહેતા હતા, પરંતુ હવે ટૂ અને થ્રી ગ્‍ણ્‍ધ્‍ની રેન્‍જ ૫૫ લાખ રૂપિયાથી ૧.૨૦ કરોડ રૂપિયા સુધી પહોંચી ગઈ છે.

હવે એફોર્ડેબલ કિંમતે ઘર ખરીદવું લોકોના પહોંચી બહાર થઈ રહ્યું છે તેમાં ઘણા બિલ્‍ડર્સ બે 2BHK યુનિટ્‍સને ભેગા કરીને 4BHK યુનિટ બનાવી રહ્યા છે અને તેને ૧.૨૫ કરોડથી ૧.૭૫ કરોડ રૂપિયાની રેન્‍જમાં વેચી રહ્યા છે. શહેરની હદમાં આટલી સાઈઝના ઘરની કિંમત બે કરોડ રૂપિયાથી વધુ હોય છે અને તેથી 4BHK સાઈઝના ઘર ખરીદવા ઈચ્‍છતા લોકોને આ પ્રાઈસ વધારે અપીલ કરે છે.

જોકે, બિલ્‍ડર્સના આવા ગતકડા સામે એક્‍સપર્ટ્‍સ લાલબત્તી ધરી રહ્યા છે. આ ટ્રેન્‍ડ અંગે બોલતા સિનિયર સોલિસિટર પરેશ જાનીએ ઘર ખરીદનારાઓને આવા ઘર ખરીદવાના કારણે ઊભી થતી કાનૂની ગૂંચવણો વિશે ચેતવણી આપી છે. તેમણે જણાવ્‍યું હતું કે, ગુજરાત સરકારે નાગરિકોના હિત અને રાજ્‍યના વિકાસ માટે CGDCRમાં ઘણા સારા સુધારા કર્યા છે, ત્‍યારે કેટલાક બિલ્‍ડર્સ અને ખરીદદારો પણ રેસિડેન્‍શિયલ એફોર્ડેબલ હાઉસિંગ ઝોનમાં બે 2BHK એપાર્ટમેન્‍ટને એક યુનિટ તરીકે વેચીને 2BHK નિયમોનું ઉલ્લંઘન કરી રહ્યા છે. 4BHK તરીકે વેચાયેલા બે 2BHK એપાર્ટમેન્‍ટ માટે બિલ્‍ડર અને ખરીદનાર વચ્‍ચે બે વેચાણ કરાર હોય તો પણ તેના કાનૂની પરિણામો આવશે. આ ઉપરાંત સ્‍ટેમ્‍પ ડ્‍યુટી અને GSTના રૂપમાં રાજ્‍ય સરકારને ટેક્‍સનું નુકસાન થવાની સંભાવના છે. જે ભવિષ્‍યમાં મુશ્‍કેલી ઊભી કરી શકે છે.

બીજી તરફ રિયલ્‍ટર્સ ગુજરાત રિયલ એસ્‍ટેટ રેગ્‍યુલેટરી ઓથોરિટી એટલેકે ય્‍ચ્‍ય્‍ખ્‍ની નિષ્‍ક્રિયતા સામે પણ સવાલો ઉઠાવી રહ્યા છે. બિલ્‍ડર્સ ખુલ્લેઆમ નિયમોનો ભંગ કરીને પ્રોપર્ટીનું માર્કેટિંગ કરી રહ્યા છે અને ઈન્‍ડસ્‍ટ્રીની અંદ રહેલા લોકો તથા ખરીદદારો પણ આ વાતથી વાકેફ હોવા છતાં ગુજરાત ય્‍ચ્‍ય્‍ખ્‍ને પરિસ્‍થિતિની ખ્‍યાલ હોય તેવું લાગતું નથી, અથવા તો તેના પ્રત્‍યે આંખ આડા કાન કરી રહી હોય તેવું લાગી રહ્યું છે. તેથી જ તેણે મોટા પાયે લોકોને અસર કરતાં મુદ્દાઓ પર કોઈ સુઓ મોટો કાર્યવાહી શરૂ કરી નથી.