ગુજરાતમાં હાઈવે પર સ્થિત ટોલ બુથ પર અનેક વખત મારામારીના બનાવો પ્રકાશમાં આવતા હોય છે. ત્યારે ઉત્તર ગુજરાતના સાંતલપુર પાસે ભારતમાલા ટોલ પ્લાઝા પર ફાયરિંગ સાથે તોડફોડના મામલો સામે આવ્યો છે. 

   આ ટોલ બુથ પરથી ગાડી પસાર કરવા બાબતે કાર ચાલકે માથાકૂટ કરી હતી. ત્યારબાદ કાર ચાલકે ટોલબુથના કોમ્પ્યુટર અને સીસીટીવીમાં પણ તોડફોડ કરી હતી. ટોલબુથના કર્મચારીઓને પણ માર મરાયો હોવાનું સામે આવ્યું છે. ઘટનાની જાણ થતાં પોલીસ દોડી ગઈ હતી અને વધુ તપાસ હાથ ધરી છે.