ડીસા શહેરમાં છેલ્લા એક મહિનાથી ચાલી રહેલા બ્રહ્મચર્થોત્સવનો આજે મહત્વપૂર્ણ દિવસ હતો. મુમુક્ષુઓના વર્ષીદાનનો વરઘોડો નીકળ્યો, જેમાં મોટી સંખ્યામાં શ્રદ્ધાળુઓ જોડાયા હતા. આ વરઘોડો શહેરના મુખ્ય માર્ગો પર ફર્યો હતો અને લોકોએ મુમુક્ષુને વધાવ્યા હતા. આજે આ બ્રહ્મચર્યોત્સવનું સમાપન થશે. મુમુક્ષુઓ દીક્ષા ગ્રહણ કરશે અને ત્યાર બાદ સમાપન સમારોહ યોજાશે.

   આ પ્રસંગે પ.પૂ. આ ભગવંત શ્રીમદ્ વિજય બોધિરત્નસૂરીશ્વરજી મહારાજાના શિષ્યરત્નો ૫.પૂ.આ ભગવંત શ્રીમદ્ વિજય તપોરત્નસૂરીશ્વરજી મહારાજા તથા પ.પૂ આ. ભગવંત વિજય કુલરત્નસૂરીશ્વરજી મહારાજાના નિર્મળ સંથમ જીવનના ૫૧માં વર્ષમાં મંગળ પ્રવેશની અનુમોદના કરાઈ રહી છે. 

 આ અવસરે ડીસામાં ૩૧ દિવસીય બ્રહ્મચર્યોત્સવનું આયોજન કરાયું હતું આ ૩૧ દિવસ દરમિયાન જૈન તત્વજ્ઞાનના વિવિધ પાસાઓ પર પ્રવચનો, ૫૧મા વર્ષમાં મંગળ પ્રવેશની ઉજવણી, વર્ષીદાનનો વરઘોડો અને દીક્ષા પ્રવચન જેવા અનેક કાર્યક્રમો યોજાયા હતા. ધી નવાડીસા શ્વેતાંબર મૂર્તિપૂજક જૈન સંઘની આજ્ઞાથી પ્રવચન પરિવાર તેમજ ગુરુભક્ત પરિવારના સભ્યોએ આ ઉત્સવને સફળ બનાવવા માટે જહેમત ઉઠાવી હતી.