( ભરત શાહ દ્વારા ) નર્મદા:વડોદરામાં રહેતા અને ચાણોદ ખાતે અસ્થિ પધરાવવા આવેલા એક આધેડનું પોઇચા ખાતે મોત થતા તેમના પુત્રએ પોલીસમાં જાણ કરી છે

   મળતી વિગતો અનુસાર પ્રતીકભાઇ મહેશભાઇ રાણા (રહે.નવી ધરતી નાગરવાડા ધાલ વાડો, વડોદરા શહેર )નાઓ એ રાજપીપળા પોલીસ ને જાણ કર્યા મુજબ તેમના પિતાજી મહેશભાઇ પરસોત્તમદાસ રાણાતેમના પિતરાઈ ભાઈ રાજુભાઇ રણછોડભાઇ રાણા જેઓ બે દિવસ પહેલા મૃત્યુ પામ્યા હોઇ તેમની અસ્થિ પધરાવવા માટે વડોદરાથી નિકળી ચાણોદ ખાતે આવેલ હતા અને અસ્થિ પધરાવી તેઓ બધા પોઇચા ખાતે આવેલ નર્મદા નદીમાં નાહવા માટે આવ્યા  તે વખતે નર્મદા નદીના કિનારે મહેશભાઈ રાણા ને છીછરા પાણી માં અચાનક ચક્કર આવતા તેઓ પડી ગયેલ અને બેભાન થઈ જતા સારવાર માટે લઈ જતા તેમને ડોક્ટરે મૃત જાહેર કર્યા હતા.