News of Friday, 16th May 2025
ધો.૧૨ સામાન્ય પ્રવાહના ૩.૬૦ લાખ વિદ્યાર્થીને ૧૯મીએ માર્કશીટ મળશે
શિક્ષણ બોર્ડ આજે માર્કશીટ જે-તે જિલ્લામાં મોકલાવશે

અમદાવાદ તા.૧૬: રાજ્યના ધો. ૧૨ સામાન્ય પ્રવાહના પાસ થયેલા ૩.૬૦ વિદ્યાર્થીને ૧૯ મેના રોજ માર્કશીટ મળશે. શિક્ષણ બોર્ડ દ્વારા ધો.૧૨ સામાન્ય પ્રવાહની માર્કશીટ તથા પ્રમાણપત્ર વિતરણની કાર્યવાહી શરૂ કરી છે. જેમાં આજે બોર્ડની કચેરીએથી માર્કશીટ રવાના કરી જે તે જિલ્લાઓમાં મોકલાશે. જિલ્લાઓમાંથી ૧૭ મેના રોજ શાળાઓને માર્કશીટનું વિતરણ કરાશે અને ત્યારબાદ શાળાઓએ ૧૯ મેના રોજ વિદ્યાર્થીઓને માર્કશીટ પહોંચાડવાની રહેશે.
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા ૫ મેના રોજ ધો.૧૨ સામાન્ય પ્રવાહનું પરિણામ ઓનલાઈન જાહેર કરાયું હતું. જેમાં રાજ્યના ૩.૬૦ લાખ વિદ્યાર્થીઓ પાસ થયા હતા. પરંતુ પરિણામ વખતે બોર્ડ દ્વારા વિદ્યાર્થીઓને માર્કશીટ અપાઈ ન હતી. પરંતુ હવે આ વિદ્યાર્થીઓને શિક્ષણ બોર્ડ દ્વારા માર્કશીટ અપાશે. ધો.૧૨ સામાન્ય પ્રવાહ, ઉચ્ચતર ઉત્તર બુનિયાદી પ્રવાહ, વ્યવસાયલક્ષી પ્રવાહ, સંસ્કળત મધ્યમાના તેમજ ઞ્લ્બ્લ્ ઉમેદવારોની માર્કશીટ, પ્રમાણપત્ર તથા સ્કૂલ રેકોર્ડ તેમજ ઞ્લ્બ્લ્ ઉમેદવારોના પરિણામ તમામ જિલ્લાના જિલ્લા શિક્ષણાધિકારીઓ દ્વારા નિયત કરેલા વિતરણ સ્થળ ખાતે શુક્રવારે બોર્ડની કચેરીએથી રવાના કરાશે. જે-તે જિલ્લાના શિક્ષણાધિકારીએ ધો.૧૨ સામાન્ય પ્રવાહની માર્કશીટ, પ્રમાણપત્ર તથા સ્કૂલ રેકોર્ડ તેમજ ઞ્લ્બ્લ્ ઉમેદવારોના પરિણામ વિતરણ કરવા અંગેનું યોગ્ય આયોજન કરી ૧૭ મેના રોજ જિલ્લાની સામાન્ય પ્રવાહની શાળાઓને પરિણામ વિતરણ થઈ જાય તે મુજબ તમામ વ્યવસ્થા ગોઠવવાની રહેશે. સામાન્ય પ્રવાહની તમામ ઉચ્ચતર માધ્યમિક શાળાના આચાર્યોએ પોતાની શાળાનું પરિણામ મુખત્યારપત્ર રજૂ કરી જિલ્લા શિક્ષાણાધિકારીની કચેરી દ્વારા નિયત થયેલા સમયે અને સ્થળેથી મેળવી લેવાના રહેશે.(૩૮.૨)
(2:03 PM IST)









છેલ્લા 8 દિવસમાં સૌથી લોકપ્રિય 
