અમદાવાદમાંથી એક ચોંકાવનારી માહિતી સામે આવી છે. જેમાં હોસ્પિટલમાંથી એક પાકિસ્તાની મહિલા ઝડપાઈ છે. મહિલા શારદાબેન હોસ્પિટલમાં ગર્ભપાત કરાવવા ગઈ હતી, આ સમયે સમગ્ર ઘટનાનો ભાંડો ફૂટ્યો હતો. હાલ, પોલીસ મહિલા અને પરિવારની પૂછપરછ કરી રહી છે

અમદાવાદમાં શારદાબેન હોસ્પિટલમાં એક મહિલા ગર્ભપાત કરવવા માટે આવી હતી. આ દરિમયાન હોસ્પિટલની પ્રોસેસ પૂરી કરવા માટે તેમની પાસે ઓળખ પુરાવો માંગવામાં આવ્યો. ત્યારે મહિલાએ ઓળખના પુરાવા રૂપે આધાર કાર્ડના બદલે પાસપોર્ટ આપ્યો હતો. 

પાસપોર્ટ જોતા સ્ટાફને ખબર પડી કે આ મહિલા પાકિસ્તાની છે, જોકે, આ મહિલા પાકિસ્તાની છે અને તેમના વિઝા પણ માર્ચ મહિનામાં જ પૂર્ણ થઈ ગયા છે. ત્યારથી આ મહિલા અને તેમનો પરિવાર ગેરકાયદે ભારતમાં વસવાટ કરી રહ્યા છે. 

આ પાકિસ્તાની મહિલાને એડમિટ રૂમને બદલે અલગથી ANC વોર્ડમાં રાખવામાં આવી છે. મહિલાનું કહેવું છે કે, તેમનો પરિવાર પણ અહીં જ રહે છે. સમગ્ર ઘટનાની જાણ થતા પોલીસે આ મામલાની તપાસ હાથ ધરવામાં આવી છે. મહિલાના વિઝા માર્ચ મહિનામાં પૂર્ણ થયા હોવાનો ખુલાસો થયો છે, ત્યારે પોલિસે વધુ તપાસ પણ હાથ ધરી છે.