ભારતીય હવામાન વિભાગ (આઈએમડી) દ્વારા મળતી માહિતી અનુસાર, નૈઋત્ય ચોમાસું ગુજરાતમાં પ્રવેશી ચૂક્યું છે. હાલ રાજ્યના કેટલાક ભાગોમાં ચોમાસાનો પ્રારંભ થઈ ચૂક્યો છે અને આગામી ચોવીસ કલાકમાં તે ગુજરાતના વધુ વિસ્તારોને આવરી લે તેવી સંભાવના છે. આઈએમડીએ ખેડૂતો અને સામાન્ય જનતાને ચોમાસાની વધુ વિગતો માટે સ્થાનિક હવામાન આગાહીઓ પર ધ્યાન આપવા જણાવ્યું છે. રાજ્યમાં ચોમાસાના આગમનથી ગરમીથી રાહત મળશે તેવી આશા છે.