( ભરત શાહ દ્વારા )નર્મદા :રાજપીપળા સિવિલ હોસ્પિટલ સામે બમ્પ પર ધીમી પડેલી થાર ગાડીને પોલીસ બસે પાછળથી ટક્કર મારતા ફોર વ્હીલને નુકશાન થયું હતું
   પ્રાપ્ત વિગતો અનુસાર રાજદીપભાઈ હસમુખભાઈ મહેતા (ઉ.વ.૨૫) ( રહે-રાજપીપલા સોનીવાડ) એ આપેલી ફરિયાદ મુજબ રાજપીપળા સિવિલ હોસ્પિટલ સામે બનાવેલા બમ્પ પર રાજકોટ પાસિંગની એક મીની બસ નં-GJ-03-GA-1749 ના ચાલકે તેના કબ્જાની મીની બસ પુરઝડપે હંકારી લાવી રાજદીપભાઈના કબ્જાની મહિન્દ્રા કંપનીની થાર ગાડી નં-GJ-16-DK-5001ના પાછળના ભાગે અથાડી થાર ગાડીના પાછળન ભાગે નુકશાન પહોચાડી ગુનો કરતા રાજકોટ પોલીસ ની.મીની બસના ચાલક વિરુદ્ધ ગુનો દાખલ કર્યો છે.
   આ બસ આરોપીને મૂકવા આવતી હતી, અક્સ્માત બાદ ત્યાં લોકટોળા એકઠા થયા હતા ત્યાં ચર્ચા મુજબ પોલીસ બસનો ચાલક નશાની હાલતમાં હતો અને થાર ગાડી વાળાએ પણ આ બાબતે ધ્યાન દોર્યું હોવા છતાં ડ્રીંક એન્ડ ડ્રાઇવનો કેસ નહીં કરી થાર વાળાને સમજાવવા પ્રયાસ કરવામાં આવ્યો હોવાનું જાણવા મળ્યું છે.