અમદાવાદમાં 27 જૂન 2025, શુક્રવારે ભગવાન જગન્નાથજીની 148મી ભવ્ય રથયાત્રા યોજાવાની છે. રથયાત્રાનો પ્રારંભ પરંપરાગત રીતે જમાલપુરથી થશે. આ વિશાળ યાત્રાને ધ્યાનમાં રાખીને એક દિવસ માટે BRTS બસના રૂટમાં ફેરફાર કરાયો છે.

જો તમે દરરોજ BRTS બસનો ઉપયોગ કરો છો, તો તમારા માટે આ માહિતી અત્યંત મહત્વપૂર્ણ છે. બદલાયેલા રૂટને કારણે તમારા પ્રવાસની યોજના અગાઉથી બનાવી શકશો. જાણો કયા રૂટ પર પરિવહન વિભાગ દ્વારા ફેરફાર કરવામાં આવ્યા છે અને તેની સંપૂર્ણ વિગતો શું છે.

આ રૂટ રાબેતા મુજબ કાર્યરત રહેશે:

• રૂટ નં. 01: મણિનગરથી ઘુમા ગામ
• રૂટ નં. 03: આરટીઓ સર્કલથી મણિનગર
• રૂટ નં. 04: એલડી એન્જિનિયરિંગ કોલેજથી ઝુંડાલ સર્કલ/અંબા ટાઉનશીપ
• રૂટ નં. 05: વાસણાથી હંસપુરા રીંગ રોડ
• રૂટ નં. 06: નારોલથી નરોડા એસટી વર્કશોપ
• રૂટ નં. 07: નારોલથી સારંગપુર દરવાજા અને ઝુંડાલ સર્કલથી સરકારી લિથો પ્રેસ કેબિન
• રૂટ નં. 12: આરટીઓ સર્કલથી રબારી કોલોની
• રૂટ નં. 14: સાણંદ સર્કલથી સારંગપુર દરવાજા
• રૂટ નં. 15: ઇસ્કોન ક્રોસરોડ્સથી આરટીઓ સર્કલ/એરપોર્ટ
• રૂટ નં. 16: સાણંદ સર્કલથી નહેરુનગર
• રૂટ નં. 17: સાઉથ બોપલ ટર્મિનસથી નહેરુનગર

આંશિક ફેરફારો સાથે રૂટ:

• રૂટ નં. 02: SP રિંગ રોડથી ઇસ્કોન ક્રોસરોડ્સને બદલે, તે ઇસ્કોન ક્રોસરોડ્સથી લો ગાર્ડન સુધી ચાલશે.
• રૂટ નં. 08: ભાડજ સર્કલથી નરોડા ગામને બદલે, તે ભાડજ સર્કલથી સરકારી લિથો પ્રેસ (કેબિન) સુધી ચાલશે.
• રૂટ નં. 09: મણિનગરથી ગોતા વસંતનગર ટાઉનશીપ સુધી જવાને બદલે, તે ગોતા વસંતનગર ટાઉનશીપથી એલડી કોલેજ સુધી ચાલશે.
• રૂટ નં. 11: ઓઢવ એસપી રીંગ રોડથી એલડી એન્જિનિયરિંગ કોલેજ સુધી જવાને બદલે, તે ઓઢવ એસપી રીંગ રોડથી આસ્ટોડિયા દરવાજા સુધી ચાલશે.

આ BRTS સ્ટેશન/કેબિનથી બસ સેવા સ્થગિત રહેશે:

• દિલ્હી દરવાજા
• પ્રેમ દરવાજા
• કાલુપુર ઘી બજાર
• કાલુપુર રેલ્વે સ્ટેશન
• આસ્ટોડિયા ચકલા
• મહાનગરપાલિકા કચેરી
• રાયખાડ ચાર રસ્તા
• લોકમાન્ય તિલક બાગ
• એમજે લાઇબ્રેરી
• જીસીએસ હોસ્પિટલ
• અરવિંદ મિલ
• જીનીંગ પ્રેસ
• અશોક મિલ
• નરોડા ફ્રુટ માર્કેટ
• મેમ્કો ક્રોસરોડ્સ
• AMC નોર્થ ઝોન ઓફિસ
• સૈજપુર ટાવર
• નરોડા એસટી વર્કશોપ કેબીન