ગાંધીનગર : ગુજરાત રાજ્ય શિક્ષણ વિભાગ હસ્તકની બિનસરકારી અનુદાનિત માધ્યમિક શાળાઓમાં શિક્ષણ સહાયક ભરતી-૨૦૨૪ અન્વયે તા.૦૯ જૂલાઈ ૨૦૨૫ના રોજ Provisional Merit List-2 (PML-2) જાહેર કરવામાં આવ્યું છે. PML-2 માં સમાવિષ્ટ ઉમેદવારો તા.૦૯ જૂલાઈ ૨૦૨૫ થી તા.૧૩ જૂલાઈ ૨૦૨૫ના રોજ રાત્રે ૧૧.૫૯ કલાક સુધી કુલ ૩૬૧૪ ખાલી જગ્યાઓ પર શાળા પસંદગી કરી શકશે. જે અંગે વિગતવાર સૂચનાઓ વેબસાઇટ  https://www.gserc.in/  પર પ્રસિદ્ધ કરવામાં આવી છે.

Provisional Merit List-2 (PML-2) માં સમાવિષ્ટ ઉમેદવારોએ નિયત સમયમર્યાદામાં મહત્તમ શાળાઓની પસંદગી કરવાની રહેશે. સમયમર્યાદામાં ઓનલાઈન શાળાની પસંદગી ન આપનાર તથા ઓછી પસંદગી આપવાના કારણે ઉમેદવાર ભરતી પ્રક્રિયામાંથી બાકાત થશે તો તે અંગેની સંપૂર્ણ જવાબદારી ઉમેદવારની રહેશે એમ ગુજરાત રાજ્ય શૈક્ષણિક સ્ટાફ ભરતી પસંદગી સમિતિ ગાંધીનગરની યાદીમાં જણાવાયું છે.