તા. ૧૮ નવેમ્બર ર૦ર૬ વિક્રમ સંવત ર૦૮૩ કારતક સુદ – ૯ બુધવાર
News of Monday, 11th August 2025
વરસાદ ખેંચાતા રાજ્યમાં કૃષિ વીજ માંગ ચાર ગણી વધી
વીજ વપરાશ ૨ કરોડ યુનિટથી વધી ૮.૮ કરોડ થયોઃવરસાદ ખેંચાવાને કારણે રાજ્યમાં ગરમી અને બફારાનું પ્રમાણ વધ્યું છે જેના કારણે રાજ્યમાં વીજ માંગમાં વધારો થયો

અમદાવાદ, તા.૧૧
રાજ્યમાં ચાલુ ચોમાસું સિઝનમાં સાર્વત્રિક વરસાદના પરિણામે ૧૧ ઓગસ્ટ ૨૦૨૫ની સ્થિતિએ સરેરાશ ૬૪ ટકાથી વધુ વરસાદ નોંધાયો છે.જેમાં સૌથી વધુ ૬૮.૭૯ ટકાથી વધુ વરસાદ દક્ષિણ રિજિયનમાં જ્યારે પૂર્વ-મધ્યમમાં ૬૬.૫૪ ટકા, ઉત્તર ગુજરાતમાં ૬૬.૨૧ ટકા, કચ્છમાં ૬૫.૧૩ ટકા જ્યારે સૌરાષ્ટ્રમાં ૫૬.૩૧ ટકા સરેરાશ વરસાદ નોંધાયો છે. જો હવે વરસાદ ખેંચાશે તો પાણીની સ્થિતિ વિકટ બને તેવા એંધાણ સર્જાય તેવી શક્યતાઓ છે. બીજી તરફ વરસાદ ખેંચાતા ગરમી અને બફારાનું પ્રમાણ વધ્યું હોવાથી રાજ્યમાં વીજ માંગ પણ વધી છે.
વરસાદ ખેંચાવાને કારણે રાજ્યમાં ગરમી અને બફારાનું પ્રમાણ વધ્યું છે. જેના કારણે રાજ્યમાં વીજ માંગમાં વધારો થયો છે.
વરસાદ ખેંચાતા ખેડૂતોને પાણી માટે કેનાલ અને બોરના ભરોસે ખેતી કરવી પડી છે. જેથી કૃષિ વીજ માંગ પણ ચાર ગણી વધી ગઈ છે. રાજ્યમાં વીજ વપરાશ બે કરોડ યુનિટથી વધીને ૮.૮ કરોડ યુનિટ થયો છે. રહણાંક વિસ્તારમાં ૧૨ કરોડ વીજ યુનિટનો વપરાશ થઈ રહ્યો છે.
રાજ્ય સરકારે તાજેતરમા રાજ્યમાં ઓછો વરસાદ થયો હોય તે વિસ્તારોમાં વીજળી આપવાનો સમય વધાર્યો હતો. ખેડૂતોની માગને આધારે સરકારે ૧૦ કલાક વીજળી આપવાની જાહેરાત કરી હતી. જેના કારણે વીજ વપરાશ વધ્યો છે. કૃષીમાં વિજ વપરાશ ૨ કરોડ યુનિટથી વધીને ૮.૮ કરોડ યુનિટ થયો છે. જો વરસાદ ખેંચાશે તો વીજ માગમા હજી વધારો થાય તેવી શક્યતાઓ છે.
(9:58 PM IST)









છેલ્લા 8 દિવસમાં સૌથી લોકપ્રિય 
