જામનગરઃ શિરડી સાંઇબાબા મંદિર ગાંધીનગર ખાતે દરેક તહેવારોને અનુલક્ષી કાર્યક્રમો, જાહેર જનતાના આરોગ્‍ય લક્ષી કાર્યક્રમો, વિદ્યાર્થીઓના સન્‍માનના કાર્યક્રમો યોજવામાં આવતા હોય છે. તેવી રીતે આ વર્ષે પણ રક્ષાબંધનના રોજ જામનગર શહેરમાં રહેતા સર્વ ભૂદેવો તેમજ અન્‍ય જ્ઞાતિના જનોઈધારી લોકો માટે જનોઈ બદલાવવાનો કાર્યક્રમ રક્ષાબંધનના રોજ રાખવામાં આવેલ આવ્‍યો હતો.

આ કાર્યક્રમમાં મચ્‍છરનગર, ગાંધીનગર, શાંતિનગર તેમજ શહેરભરમાંથી બહોળી સંખ્‍યામાં લોકો જોડાયા હતા. પૂજાપો-જનોઈ મંદિર તરફથી આપવામાં આવ્‍યા હતા. કાર્યક્રમ પૂર્ણ થયે યજ્ઞોપવિત બદલાવવા આવેલ બ્રાહ્મણો માટે ભોજનનું આયોજન રાખવામાં આવેલ હતું. તેમ સંસ્‍થાના પ્રમુખ કનકસિંહ જાડેજાની યાદીમાં જણાવાયું છે.