અરવલ્લી જિલ્લાના માલપુર શહેરમાં CCTV કેમેરા લગાવવાના મુદ્દે વિવાદ સર્જાયો છે. વાલ્મીકિ સમાજના પ્રમુખ લાલજી ભગતએ આ પગલાનો વિરોધ કરતા રસ્તા પર બેસીને ધરણા કર્યા હતા. લાલજી ભગતે દલીલ કરી હતી કે જ્યાં સુધી તેમની માંગણીઓ ન સંતોષાય ત્યાં સુધી CCTV લગાવવા ન જોઈએ. તેમણે તો ત્યાં સુધી ચીમકી ઉચ્ચારી હતી કે જો તેમની વાત ન સાંભળવામાં આવે તો તેઓ અન્ન-જળનો ત્યાગ કરશે. વિરોધ વધુ ઉગ્ર બને તે પહેલા જ પોલીસે લાલજી ભગતની અટકાયત કરી હતી. આ ઘટનાએ શહેરમાં તણાવનો માહોલ સર્જ્યો છે.