(જીતેન્‍દ્ર રૂપારેલિયા) વાપીઃ ભાદરવા માસના પ્રથમ અઠવાડીયા માં મેઘરાજા રાજ્‍યના અનેક વિસ્‍તારોમાં મન મૂકીને વરસી રહ્યા છે તો કેટલાક વિસ્‍તારોમાં મેઘાની ગેરહાજરીમાં વરાપ નીકળતા ખેડૂતો કામે લાગ્‍યા છે, કહેવાય છે કે હાલની આ વરાપ થી પાકને ફાયદો થશે.

ભારે વરસાદની આગાહી વચ્‍ચે રાજ્‍ય ના ૨૬ જીલ્‍લાના ૧૪૮ તાલુકાઓમાં ૧ થી ૧૯૦ મીમી એટલે કે ૭.૫ ઇંચ જેટલો વરસાદ નોંધાયો છે, જેમાં દક્ષિણ ગુજરાત માં ૭.૫ ઇંચ સુધી નો, ઉત્તર ગુજરાત માં ૬ ઇંચ સુધીનો, પૂર્વ અને મધ્‍ય ગુજરાતમાં ૩ ઇંચ જેટલો વરસાદ પડ્‍યો છે તો કરછ કોરોધાકડ રહેવા પામ્‍યો છે.

ઉપરવાસના પાણીની આવકને પગલે ઉકાઇ ડેમ ની જળસપાટી આજે સવારે ૮ કલાકે ૩૩૫.૮૧ ફૂટે પહોંચી છે ડેમમાં ૯૨૨૯૨ ક્‍યુસેક પાણી ના ઈન્‍ફલો સામે ૭૬૪૯૮ ક્‍યુસેક પાણી છોડવામાં આવી રહ્યું છે, જ્‍યારે દક્ષિણ ગુજરાતના છેવાડા ના દમણગંગા નદીના મધુવન ડેમની જળસપાટી આજે સવારે ૯ કલાકે ૭૫.૯૦ મીટરે પહોંચી છે ડેમમાં ૧૪૬૦૯ ક્‍યુસેક પાણીના ઈન્‍ફલો સામે ૧૨૫૪૦ ક્‍યુસેક પાણી છોડવામાં આવી રહ્યું છે ડેમના ૪ દરવાજા ૦.૬૦ મીટર ખોલવાની તંત્ર ને ફરજ પડી છે. ફલેટ કંટ્રોલ પાસે થી મળતી માહિતી અનુસાર છેલ્‍લા ૨૪ કલાકમાં નોંધાયેલ વરસાદના મુખ્‍યત્‍વે આંકડાને જોઈએ તો ઉમરપાડા ૧૯૦ મીમી, ઇડર ૧૪૨ મિમી, મેઘરજ ૧૧૩ મીમી, દહેગામ ૯૭ મીમી, કવાંટ ૮૦ મીમી, દેવગઢબારિયા ૭૬ મીમી, વ્‍યારા ૭૫ મીમી, જેતપુર પાવી ૭૪ મીમી, હિંમતનગર ૬૮ મીમી, ધનસુરા ૬૩ મીમી, વડાલી ૫૮ મીમી, ગોધરા ૫૭ મીમી, સુબીર ૫૪ મીમી, વાલોડ ૫૩ મીમી, મોરવાહડફ, છોટાઉદેપુર, તલોદ અને ખેડબ્રહ્મા ૫૨ મીમી, નેત્રંગ અને પ્રાંતિજ ૫૧ મીમી, વરસાદ નોંધાયો છે.

જ્‍યારે ડેડીયાપાડા ૪૮ મીમી, શહેરા ૪૭ મીમી, વિજયનગર ૪૬ મીમી, માંડવી ૪૫ મીમી, ડોલવણ ૪૨ મીમી, નડિયાદ અને વાસો ૪૧ મીમી, આહવા અને ધરમપુર ૩૮ મીમી, બોડેલી અને મહેમદાવાદ ૩૬ મીમી, મોડાસા અને તારાપુર ૩૫ મીમી, વઘઇ ૩૩ મીમી, કડાણા ૩૨ મીમી, સોનગઢ અને ગરબડા ૩૧ મીમી, કઠલાલ અને સાવલી ૩૦ મીમી, વીરપુર ( મહીસાગર ) અને બાલાસિનોર ૨૯ મીમી, વાંસદા ૨૮ મીમી, ખેરગામ અને જલાલપોર ૨૭ મીમી, ડેસર  ૨૬ મીમી, અમદાવાદ સીટી ૨૪ મીમી, ભિલોડા અને મહુવા ૨૩ મીમી, ઘોઘા અને માતર ૨૨ મીમી, માંગરોળ, ખેરાલુ, વડનગર અને દાહોદ ૨૦ મીમી વરસાદ નોંધાયો છે. આ ઉપરાંત રાજ્‍યના ૯૩ તાલુકાઓમાં ૧ થી ૧૯ મીમી સુધીનો વરસાદ નોંધાયો છે, આજે સવાર થી મેઘરાજાની હાજરી દક્ષિણ ગુજરાતમાં જોવા મળી રહી છે.(૪૦.૨૧)