( ભરત શાહ દ્વારા ) નર્મદા : ફિટ ઈન્ડિયા મૂવમેન્ટ અંતર્ગત અને રાષ્ટ્રીય ખેલ રત્ન મેજર ધ્યાનચંદજીની જન્મ જયંતિ નિમિત્તે નર્મદા જિલ્લામાં સ્પોર્ટ્સ ડેની ઉજવણીના ભાગરૂપે બીજા દિવસે પોલીસ હેડ ક્વાર્ટર જીતનગર ખોતે વિવિધ સ્પર્ધાઓ યોજાઈ હતી.

ત્રિદિવસીય ઉજવણીના બીજા દિવસે પોલીસ જવાનો માટે રસ્સાખેંચ, વોલીબોલ, સંગીત ખૂરસી, દોરડા કૂદ, લીંબુ ચમચી જેવી રોમાંચક સ્પર્ધાઓ યોજાઈ હતી, જેમાં મોટી સંખ્યામાં પોલીસ મહિલા અને ભાઈઓએ ઉત્સાહપૂર્વક ભાગ લીધો હતો.
 આ પ્રસંગે જિલ્લા રમત વિકાસ અધિકારી દિનેશભાઈ ભીલ, નાયબ પોલીસ અધિક્ષક પી. આર. પટેલ સહિત પોલીસ વિભાગના અધિકારીઓ ઉપસ્થિત રહ્યા હતા.