અમદવાદઃ સાબરકાંઠા જિલ્લાના મુખ્ય મથક હિંમતનગરમાં ગત રાત્રે ધોધમાર વરસાદ નોંધાયો છે. ડિઝાસ્ટર ઓફિસના જણાવ્યા અનુસાર, છેલ્લા 24 કલાકમાં શહેરમાં બે ઇંચથી વધુ વરસાદ પડ્યો છે. ઉપરવાસમાં પણ ભારે વરસાદને કારણે નીચાણવાળા વિસ્તારો અને સોસાયટીઓમાં પાણી ભરાઈ ગયા છે. જેના કારણે અનેક વાહનો પાણીમાં ગરકાવ થઈ ગયા હતા અને અનેક ઘરોમાં પાણી ઘૂસી જવાથી સ્થાનિકોને ભારે હાલાકીનો સામનો કરવો પડ્યો હતો.