ગાંધીનગરઃ રાજ્યમાં આજથી ખેડૂતો ટેકાના ભાવે ખરીદી માટે ઓનલાઈન રજિસ્ટ્રેશન કરી શકશે. ચાલુ સિઝનમાં મગફળી, મગ, અડદ અને સોયાબીનનું ટેકાના ભાવે વેચાણ કરવા ઇચ્છતા ખેડૂતો ઓનલાઈન રજિસ્ટ્રેશન કરાવી શકશે.

તારીખ 1 સપ્ટેમ્બરથી 15 સપ્ટેમ્બર સુધી ખેડૂતો ઓનલાઇન રજિસ્ટ્રેશન કરાવી શકશે. ટેકાના ભાવે વેચાણનો મહત્તમ ખેડૂતો લાભ લઈ શકે તે માટે કૃષિ વિભાગે આયોજન કર્યું છે. ખેડૂત ગ્રામ્ય કક્ષાએ ઇ-ગ્રામ કેન્દ્રો ખાતેથી ઇ-સમૃદ્ધી પોર્ટલ પર વિનામૂલ્યે નોંધણી કરાવી શકશે.

ચાલુ વર્ષે ભારત સરકાર દ્વારા ખરીફ પાક મગફળી - 1452 રૂપિયા, મગ - 1753 રૂપિયા, અડદ - 1560 રૂપિયા, સોયાબીન - 1065 રૂપિયા પ્રતિ મણનો ભાવ જાહેર કરવામાં આવ્યો છે.