તાપી જિલ્લામાં કરોડો રૂપિયાના શંકાસ્પદ નાણાકીય વ્યવહારોનું કૌભાંડ સામે આવ્યું છે. આ મામલે વાલોડ પોલીસે ત્રણ વ્યક્તિઓ વિરુદ્ધ ગુનો દાખલ કર્યો છે. જેમાં ભીમપોર ગામના નરેશ ચૌહાણ અને તેમના પત્ની અમિતા ચૌહાણ, તેમજ સુરતના એજન્ટ રુઝલ શાહનો સમાવેશ થાય છે. આ ત્રણેય વ્યક્તિઓએ 'ચેરિટી'ના નામે કુલ ₹3.71 કરોડના વ્યવહાર કર્યા હોવાનું સામે આવ્યું છે. તેમણે 54 જેટલા વ્યક્તિઓના બેંક ખાતા ખોલાવીને આ નાણાકીય વ્યવહારો આચર્યા હતા. પોલીસે આ ગુના અંગે સઘન તપાસ હાથ ધરી છે અને વધુ વિગતો બહાર લાવવા માટે કાર્યવાહી ચાલી રહી છે