અમદાવાદના અગોરા મોલ પાસે થયેલી દુખદ અકસ્માતમાં એક્ટિવા ચાલક મહિલાનું મોત થયું છે. મદન ટ્રાન્સપોર્ટના RJ 09 GE 6168 નંબરના ટ્રકે પૂર્વઝડપે અને ગફલતથી ડ્રાઇવ કરતા એક્ટિવાને અડફેટે લીધું જેના કારણે મહિલાનું ઘટના સ્થળે જ મોત થયું હતું. પોલીસે પંચનામું કરીને વધુ તપાસ હાથ ધરી છે, અને ટ્રક ડ્રાઇવર વિરુદ્ધ કેસ નોંધવામાં આવ્યો છે.

ઘટના આજે સવારે અગોરા મોલની નજીકના વ્યસ્ત રસ્તા પર બની છે. જ્યાં મહિલા એક્ટિવા વાહન ચલાવીને જઈ રહી હતી. મદન ટ્રાન્સપોર્ટના ટ્રક (RJ 09 GE 6168)ના ડ્રાઇવરે પૂર્વઝડપે અને ગફલતથી વાહન ચલાવતા એક્ટિવાને અડફેટે લીધું છે. એક્ટિવા સાથે મહિલા ટ્રક નીચે આવી જતાં ઘટના સ્થળે જ મહિલાનું મોત નિપજ્યું હતું. આસપાસના લોકોએ તુરંત પોલીસને જાણ કરી હતી. મહિલાના મૃતદેહને પોસ્ટમોર્ટમ માટે મોકલવામાં આવ્યો છે.

પોલીસ તપાસમાં જાણવા મળ્યું કે ટ્રક ડ્રાઇવરે ટ્રાફિક નિયમોનું પાલન કર્યું નહતું. તે ઉપરાંત મળી રહેલી જાણકારી અનુસાર, ટ્રકની સ્પીડ ખુબ જ વધારે હોવાના કારણે કંટ્રોલ કરી શકાયું નહતું. તેથી મહિલાને બચાવી શકાઈ નહતી. આ દૂર્ઘટના અમદાવાદના ખુબ જ વ્યસ્ત રસ્તા પર બની હોવાના કારણે ખુબ જ મોટા પ્રમાણમાં ટ્રાફિક જામ લાગી ગયો છે. પોલીસે પંચનામું કરીને વધુ તપાસ શરૂ કરી છે, અને ડ્રાઇવરને પૂછપરછ માટે લઈ ગયા છે. આ કેસમાં IPCની કલમ 304A (ગફલતથી મોત) અને મોટર વ્હીકલ એક્ટની કલમો હેઠળ કાર્યવાહી કરવામાં આવશે.

આ ઘટના અમદાવાદમાં બનતા રોડ એક્સિડન્ટની ગંભીર સમસ્યાને ઉજાગર કરે છે. તાજેતરમાં અમદાવાદ અને આસપાસના વિસ્તારોમાં ટ્રક અને બાઇક વચ્ચેની અકસ્માત વધી છે, જેમાં ઓવર સ્પીડ અને ગફલત મુખ્ય કારણો છે. ટ્રાફિક પોલીસ અને શહેર વહીવટ માટે આ ચિંતાનો વિષય બન્યો છે, અને તેઓ વધુ પેટ્રોલિંગ અને જાગૃતિ અભિયાનની યોજના કરી રહ્યા છે. આવી ઘટનાઓથી શહેરીજનોમાં ભયનું વાતાવરણ છે.