અમદાવાદમાં બનેલા સામૂહિક આપઘાત કેસમાં બગોદરા પોલીસ સ્ટેશનમાં ત્રણ વ્યક્તિઓ વિરુદ્ધ ફરિયાદ નોંધવામાં આવી છે. આ ફરિયાદ 'ખુશ્બુ ઓટો ફાઇનાન્સ'ના કર્મચારીઓ ધનરાજસિંહ ઝાલા, દર્શન અને જીશાન સામે કરવામાં આવી છે. આ ત્રણેય પર મૃતક વિપુલને લોનના હપ્તા ભરવા માટે દબાણ કરવાનો અને લોન ન ભરાય તો રિક્ષા પરત ખેંચવાની ધમકી આપવાનો આરોપ છે. આ ત્રાસના કારણે જ પરિવારના પાંચ સભ્યોએ સામૂહિક આપઘાત કર્યો હતો. આ ફરિયાદ બાદ પોલીસે વધુ તપાસ હાથ ધરી છે.