યોગ બોર્ડ દસ લાખ નાગરિકોનું ૧૦-૧૦ કિલો વજન ઘટાડવા અભિયાન શરૂ કરશે
મુખ્યમંત્રી ભૂપેન્દ્ર પટેલે જાહેર કરેલા ‘મંદસ્વિતા મુક્ત ગુજરાત' અભિયાનને સાકાર કરવા પ્રયાસ યોગ અને આહારશાષ થકી મેદસ્વિતા મુક્તિ અભિયાનઃ ત્રણ તબક્કામાં અભિયાન થશેઃ શીશપાલ રાજપૂત
અમદાવાદ,તા.૧૬: મુખ્યમંત્રી ભૂપેન્દ્ર પટેલે જાહેર કરેલા ‘મેદસ્વિતા મુક્ત ગુજરાત' અભિયાનને સાકાર કરવા માટે ગુજરાત રાજ્ય યોગ બોર્ડ દ્વારા એક વિશેષ મહાસંકલ્પ જાહેર કરાયો છે. રાજ્યના દસ લાખ મેદસ્વિ નાગરિકોના ૧૦-૧૦ કિલો વજન ઘટાડવા માટે ત્રણ તબક્કામાં આ અભિયાન હાથ ધરાશે તેમ યોગ બોર્ડના ચેરમેન શીશપાલ રાજપૂતે જણાવ્યું છે.
વડાપ્રધાન નરેન્દ્ર મોદીના જન્મદિનને ૧૭ સપ્ટેમ્બરથી ૧૭ ઓક્ટોબર દરમિયાન પ્રથમ તબક્કો, બીજો તબક્કો તા.૧થી ૩૧ નવેમ્બર અને ત્રીજો તબક્કો તા.૧થી ૩૦ ડિસેમ્બર ૨૦૨૫ સુધી યોજાશે. જેમાં બોર્ડના યોગના એક્સપર્ટ કોચ દ્વારા યોગના માધ્યમથી એક વ્યક્તિનો ૧૦ કિ.લો વજન ઓછું કરીને રાજ્યના ૧૦ લાખ નાગરિકોનો સંયુક્ત રીતે કુલ ૧ કરોડ કિ.લો જેટલું વજન ઘટાડવાનો લક્ષ્યાંક રાખ્યો છે. તેમણે ઉમેર્યું કે, યોગ આપણી સંસ્કૃતિ છે. યોગના માધ્યમથી સ્વાસ્થ્ય વર્ધનની સાથો-સાથ વજન પણ ઓછું થાય છે. સાથોસાથ આહારશાસ્ત્ર પર પણ અમે વિશેષ ધ્યાન કેન્દ્રિત કરીશું. આ અભિયાન અંતર્ગત રાજ્યમાં ૭૫ સ્થળોએ યોગ બોર્ડ અને આરોગ્ય વિભાગની મેડિકલ ટીમ પરિણામલક્ષી કાર્યક્રમો યોજીને નાગરિકોનો બ્લડ ટેસ્ટ, બોડી માસ ઈન્ડેક્સ તૈયાર કરીને સ્થળ પર જ ડાયટપ્લાન આપશે.
રાજપૂતે કહ્યું કે, ‘‘મેદસ્વિતા મુક્તિ અભિયાન' અંતર્ગત ભારતમાં ગુજરાત પ્રથમ રાજ્ય હશે, જ્યાં ૧૦ લાખ લોકોનું વજન ઓછું થયું હશે. ગુજરાત યોગ બોર્ડ ફક્ત યોગ દિવસ એટલે કે, ૨૧ જૂને જ કાર્ય નથી કરતું, પરંતુ સમગ્ર વર્ષ દરમિયાન કાર્યરત રહીને નાગરિકોનાં સ્વાસ્થ્યની ચિંતા કરે છે. યોગ બોર્ડ દ્વારા સમગ્ર ગુજરાતમાં આયોજિત ૫૦૦૦થી વધુ નિઃશુલ્ક યોગ વર્ગોમાં અંદાજિત ૫ લાખથી વધુ નાગરિકો જોડાયા છે. આ યોગ કેમ્પમાં જોડાઈને રાજ્યના નાગરિકોએ ૫ કિ.લો, ૧૦ કિ.લોથી લઈને ૨૦ કિ.લો જેટલું વજન ઘટાડ્યું છે.
મુખ્યમંત્રી ભૂપેન્દ્ર પટેલ પણ આ અભિયાનમાં જોડાઈને સ્વસ્થ ગુજરાત, સુખી ગુજરાત' બનાવવાની નેમ લીધી છે ત્યારે રાજ્યના નાગરિકોને ‘મેદસ્વિતા મુક્તિ અભિયાન'માં જોડાઈને યોગી અને નિરોગી બનવા તેમણે અનુરોધ કર્યો હતો.(૪૦.૧૩)
(9:20 AM IST)
છેલ્લા 8 દિવસમાં સૌથી લોકપ્રિય 
