વલસાડના ભીલડમાંથી બોગસ કોલ સેન્ટર ઝડપાયું છે. આઈજી ક્રાઈમની ટીમ દ્વારા કોલ સેન્ટર ઝડપી પાડવામાં આવ્યું છે. ભીલાડ હાઇવે પર આવેલ હોટેલ ક્રિસ્ટલ ઇન હોટેલમાં કોલ સેન્ટર ચાલતું હતું. 2 મહિલા સહીત 12 વ્યક્તિઓની અટકાયત કરવામાં આવી છે. આ કોલ સેન્ટરમાંથી વિદેશી નાગરિકોનો સંપર્ક કરી છેતરપિંડી આચરવામાં આવતી હતી. લોભામણી સ્કીમોની લાલચ આપી છેતરપીંડી આચરવામાં આવતી હતી. સ્થળ પરથી કોમ્પ્યુટર સહિત અન્ય દસ્તાવેજો પણ કબજે કરવામાં આવ્યા છે.