અમદાવાદના આનંદનગર વિસ્તારમાં આવેલી વિશાલ રેસીડેન્સીમાં એક અત્યંત દુઃખદ ઘટના બની છે. અહીં મીનાક્ષી સિંઘ નામની એક સગીરાએ ગળેફાંસો ખાઈને આપઘાત કરી લીધો છે. આ ઘટનાને કારણે સ્થાનિક વિસ્તારમાં શોકનું મોજું ફરી વળ્યું છે. હાલમાં સગીરાના આપઘાત પાછળનું ચોક્કસ કારણ જાણી શકાયું નથી. ઘટનાની જાણ થતાં જ આનંદનગર પોલીસનો કાફલો સ્થળ પર પહોંચી ગયો હતો અને મૃતદેહને પોસ્ટમોર્ટમ માટે મોકલી આપવામાં આવ્યો છે. પોલીસે આ મામલે વધુ તપાસ હાથ ધરી છે અને સગીરાએ કયા સંજોગોમાં આ પગલું ભર્યું તે જાણવા માટે પ્રયાસો કરી રહી છે.