બનાસકાંઠાના ભાભર તાલુકાના મેરા ગામમાં 2021માં થયેલી પત્નીની હત્યાના કેસમાં દિયોદર એડિશનલ સેશન કોર્ટે ચુકાદો આપ્યો છે. કોર્ટે આરોપી પતિ લક્ષ્મણ ઠાકોરને દોષિત ઠેરવીને આજીવન કેદની સજા ફટકારી છે.

 આ કેસની વિગત મુજબ, આરોપી લક્ષ્મણે તેની પત્નીની હત્યા કર્યા બાદ તેની લાશને જમીનમાં દાટી દીધી હતી. પોલીસે આ મામલે તપાસ હાથ ધરીને આરોપીની ધરપકડ કરી હતી. આ કેસમાં સરકારી વકીલની દલીલો અને પુરાવાઓને ધ્યાનમાં રાખીને કોર્ટે આ કડક સજા સંભળાવી છે, જે સમાજમાં એક દાખલો બેસાડશે.