સુરત ક્રાઇમ બ્રાન્ચના ઇકો સેલ યુનિટ દ્વારા ક્રિપ્ટો કરન્સીમાં રોકાણના નામે ઠગાઈ આચરનાર એક દંપતીની ધરપકડ કરવામાં આવી છે. આરોપીઓ જયેશ પટેલ અને દીપા પટેલે સુરતના એક વેપારીને ક્રિપ્ટો કરન્સીમાં રોકાણ કરાવવાના બહાને ₹૪.૨૩ કરોડની છેતરપિંડી કરી હતી. પોલીસે આ બંને આરોપીઓને કચ્છથી ઝડપી પાડી કાયદેસરની કાર્યવાહી હાથ ધરી છે. આ ઘટનાએ ક્રિપ્ટો કરન્સીના નામે થતી છેતરપિંડીઓ સામે વધુ એક લાલબત્તી ધરી છે.