અરવલ્લી જિલ્લામાં ભીલોડા તાલુકામાંથી અલગ કરીને શામળાજીને નવો તાલુકો જાહેર કરવામાં આવ્યો છે. ધારાસભ્ય પી.સી. બરંડા દ્વારા આ અંગે અનેક રજૂઆતો કરવામાં આવી હતી, જેનું પરિણામ આજે જોવા મળ્યું છે. લાંબા સમયથી ચાલી રહેલી આ માંગણી સંતોષાતા શામળાજી અને આસપાસના વિસ્તારના લોકોમાં ભારે ખુશીની લાગણી જોવા મળી રહી છે. ધારાસભ્યની હાજરીમાં ગ્રામજનોએ ફટાકડા ફોડીને અને તેમનું ભવ્ય સ્વાગત કરીને આ નિર્ણયની ઉજવણી કરી હતી.