આણંદ જિલ્લાના ઉમરેઠ તાલુકામાં એક દુર્ઘટના સર્જાઈ છે, જ્યાં ડુંગરીપુરા પ્રાથમિક શાળાના વિદ્યાર્થીઓને લઈ જતી એક લોડિંગ રિક્ષા પલટી ખાઈ ગઈ. આ અકસ્માતમાં 10 થી 12 જેટલા વિદ્યાર્થીઓ ઇજાગ્રસ્ત થયા છે. આ વિદ્યાર્થીઓ ડુંગરીપુરાથી જીતપુરા ખાતેની શાળામાં જઈ રહ્યા હતા ત્યારે આ ઘટના બની હતી. અકસ્માત બાદ તમામ ઇજાગ્રસ્ત વિદ્યાર્થીઓને તાત્કાલિક સારવાર માટે હોસ્પિટલ ખસેડવામાં આવ્યા છે. બનાવની જાણ થતાં જ ખંભોળજ પોલીસે ઘટનાસ્થળે પહોંચીને અકસ્માત અંગેની વધુ તપાસ હાથ ધરી છે. આ ઘટનાથી વાલીઓમાં ચિંતાનો માહોલ છે.