ખેડા જિલ્લામાં નવા જાહેર થયેલા ફાગવેલ તાલુકાના મુખ્ય મથક (હેડક્વાર્ટર) તરીકે ચીખલોડની જાહેરાત કરવામાં આવતા વિવાદ સર્જાયો છે. શૌર્ય ધામના અધ્યક્ષ ભરતસિંહ પરમાર અને સ્થાનિક લોકો દ્વારા આ નિર્ણયનો વિરોધ કરવામાં આવ્યો છે. તેમની મુખ્ય માંગ છે કે તાલુકાનું હેડક્વાર્ટર ફાગવેલ ને જ રાખવામાં આવે, કારણ કે આ સ્થળ તાલુકાના કેન્દ્રમાં આવેલું છે અને અહીં ભૌગોલિક તથા સામાજિક રીતે વધુ સુગમતા છે. આ અંગે ભરતસિંહ પરમારે પ્રતિક્રિયા આપતા જણાવ્યું કે જો હેડક્વાર્ટર ફાગવેલ રહેશે તો સ્થાનિક લોકોને વધુ ફાયદો થશે.