દારૂ ભરેલી કારને નડયો અકસ્માત લોકોએ ચલાવી રીતસરની લૂંટફાટ
લોકોએ લૂંટ કરી દારૂ લઈ ભાગ્યા
સુરતઃ સુરતના પલસાણા તાલુકાના તરાજ ગામની સીમમાં એક અનોખી ઘટના બની છે. અહીં દારૂથી ભરેલી કાર અકસ્માતમાં પલટી પડી અને તેમાંથી બહાર નીકળેલા દારૂની લોકો દ્વારા લૂંટ કરવામાં આવી હતી. સ્ટીયરિંગ પરથી કાબુ ગુમાવતા કાર રોડથી નીચે ફંગાઈ પાર્કિંગમાં ઘૂસી ગઈ હતી, જ્યાં તે પાર્કિગમાં પડેલી ચાર જેટલીગાડીઓને જઈને ટકરાઈ ગઈ હતી.
કારમાં તપાસ કરતા વિદેશી દારૂ મળતાં લોકોએ તેની રીતસરની લૂંટ ચલાવી દીધી અને પોલીસ પહોંચે તે પહેલાં જ ભાગી ગયા હતા. પોલીસે ઘટનાસ્થળે પહોંચીને ૨ લાખથી વધુ કિંમતનું દારૂ કબજે કર્યું, જ્યારે અકસ્માત સર્જનાર કારચાલક ફરાર થઈ ગયો હતો. આ સમગ્ર ઘટના ઘ્ઘ્વ્સ્માં કેદ થઈ ગઈ છે, અને પલસાણા પોલીસે ગુનો નોંધી વધુ તપાસ શરૂ કરી છે.
ઘટના આજે બપોરે તરાજ ગામની સીમમાં બની હતી. જ્યાં એક અજ્ઞાત કારચાલક વિદેશી દારૂથી ભરેલી કાર ચલાવી રહ્યો હતો. અચાનક સ્ટીયરિંગ પરથી કાબુ ગુમાવતાં કાર રોડથી નીચે ઉતરી ગઈ હતી. અકસ્માતના અવાજથી આસપાસના લોકો ભેગા થઈ ગયા અને અફરાતફરીનો માહોલ ઊભો થયો હતો.
લોકોએ કારની તપાસ કરતાં તેમાં વિદેશી દારૂની બોટલો મળી આવી, જેના કારણે તેઓએ તાત્કાલિક લૂંટફાટ શરૂ કરી દીધી. પોલીસને જાણ પડે તે પહેલાં જ કેટલાક લોકો દારૂ લઈને ભાગી ગયા હતા. જેનાથી ઘટનાસ્થળે વધુ ગડબડ થઈ ગઈ. પલસાણા પોલીસે ઝડપથી સ્થળ પર પહોંચીને બાકીનું ૨ લાખથી વધુ કિંમતનું દારૂ કબજે કર્યું, પરંતુ કારચાલક ત્યાંથી ફરાર થઈ ગયો હતો.
ઘટના CCTV કેમેરામાં કેદ થઈ ગઈ છે, જેમાં અકસ્માતની સમગ્ર પ્રક્રિયા અને ત્યારબાદની અફરાતફરી સ્પષ્ટ દેખાય છે. પલસાણા પોલીસે ફરિયાદ નોંધી જેમાં અકસ્માત, દારૂનું ગેરકાયદેસર વેચાણ અને લૂંટફાટના આરોપો શામેલ છે. પોલીસ અધિકારીએ જણાવ્યું, આ એક અનોખી ઘટના છે, જ્યાં અકસ્માતને કારણે દારૂની લૂંટ થઈ ગઈ છે. ઘ્ઘ્વ્સ્ ફૂટેજના આધારે કારચાલક અને લૂંટ કરનારાઓને શોધી કાઢવાની કાર્યવાહી ચાલુ છે. આવી ઘટનાઓથી સ્થાનિક વસ્તીમાં ભયનો માહોલ ન ઊભો થાય તે માટે કડક પગલાં લેવામાં આવશે.(૩૮.૧૧)
(9:44 AM IST)
છેલ્લા 8 દિવસમાં સૌથી લોકપ્રિય 
