નવસારી જિલ્લામાં ફૂંકાયેલા વાવાઝોડાથી નવસારીમાં વીજ પુરવઠાને મોટી અસર થવા પામી છે. વાવાઝોડામાં 114 હાઈ ટેન્શન પોલ, 130 LT પોલ તથા 9 ટ્રાન્સફોર્મરને નુકશાન થયુ હતુ. વીજ થાંભલા અને ટ્રાન્સફોર્મરને થયેલા નુકશાનને કારણે DGVCL ના 36,754 ગ્રાહકો  અસરગ્રસ્ત થવા પામ્યા હતા. વીજ પુરવઠાને અસર થતા DGVCL દ્વારા યુધ્ધના ધોરણે નવી વીજ લાઇન નાંખવાની કામગીરી થઈ રહી છે. જોકે હજી પણ કેટલાક ગામોમાં વીજ પૂરવઠો પૂર્વવત કરતા સમય લાગશે.