સુરત : રાજ્ય મોનિટરિંગ સેલ (SMC)ની ટીમે સુરત શહેરમાં દારૂબંધીના કાયદાનું ઉલ્લંઘન કરતા એક મોટા 'કોમન ડ્રિંકિંગ હાઉસ' (પિઠ્ઠા) પર મોડી રાત્રે દરોડો પાડ્યો હતો. આ દરોડામાં SMCએ *રૂ. ૮,૧૭,૨૯૪/-*ની કિંમતનો મુદ્દામાલ જપ્ત કરીને ૨૨ વ્યક્તિઓની ધરપકડ કરી છે.
દરોડાની વિગતો:
SMCના પીએસઆઈ આર. જી. વસાવાના નેતૃત્વ હેઠળ રાંદેર પોલીસ સ્ટેશન વિસ્તારની બોમ્બે કોલોની, પૂજા દીપ કોમ્પ્લેક્સ નજીક દરોડો પાડવામાં આવ્યો હતો.
 * જપ્ત મુદ્દામાલ:
   * વિદેશી દારૂ (IMFL): ૮૬૯ બોટલો (કિંમત ₹૨,૮૨,૨૨૯/-)
   * દેશી દારૂ: ૬૬ લિટર (કિંમત ₹૧૩,૨૦૦/-)
   * રોકડ રકમ: ₹૪૬,૨૭૫/-
   * મોબાઈલ ફોન: ૧૯ નંગ (કિંમત ₹૧,૭૫,૦૦૦/-)
   * વાહનો: ૬ નંગ (કિંમત ₹૩,૦૦,૦૦૦/-)
   * સોડા, સ્પાઇટ વગેરે: ૩૩ બોટલો (કિંમત ₹૫૯૦/-)
   * કુલ મુદ્દામાલ: ₹૮,૧૭,૨૯૪/-
ઝડપાયેલા આરોપીઓ (કુલ ૨૨):
આ દરોડામાં આશાબેન મયુરભાઈ પાડરીયા (રહે. પુણાગામ) સહિત કુલ ૨૨ આરોપીઓની ધરપકડ કરવામાં આવી છે. પકડાયેલા આરોપીઓ સુરતના પુણાગામ, રાંદેર, અડાજણ, જહાંગીરપુરા, કતારગામ અને પાલનપુર જકાતનાકા જેવા વિવિધ વિસ્તારોના રહેવાસી છે. પકડાયેલા મુખ્ય આરોપીઓમાં મયૂર રતિલાલ પાડરીયા, દેવ રાકેશ રાઠોડ, જીગર નીતિન પંડ્યા, નિલેશ ભોગીલાલ પટેલ અને મયંક જ્યોતીન્દ્ર દલાલનો સમાવેશ થાય છે. તમામ આરોપીઓને વધુ કાર્યવાહી માટે રાંદેર પોલીસ સ્ટેશનને સોંપવામાં આવ્યા છે.
વોન્ટેડ આરોપીઓ:
આ રેકેટમાં દારૂનો સપ્લાય કરનાર ચાર આરોપીઓ વોન્ટેડ જાહેર કરાયા છે. જેમાં અપ્પુ (રહે. માછીવાડ, નાનપુરા) અને અશ્વિન (રહે. રાંદેર) વિદેશી દારૂના સપ્લાયર છે, જ્યારે રસમીન શાહ (રહે. રાંદેર) અને દેશી દારૂના સપ્લાયર સાહિદ (રહે. રાંદેર)નો સમાવેશ થાય છે. SMCએ પ્રોહિબિશન એક્ટની વિવિધ કલમો હેઠળ ગુનો દાખલ કરી આગળની કાર્યવાહી હાથ ધરી છે.