મોડાસામાં ઇન્કમ ટેક્સ વિભાગનું સર્ચ ઓપરેશન હાથ ધરવામાં આવ્યું છે. મોડાસા શહેરમાં સર્વોદય સહકારી બેંકમાં વિગતો તપાસવાની કાર્યવાહી ચાલી રહી છે. 10 જેટલા વાહનમાં આવેલા અધિકારીઓની ટીમો દ્વારા તપાસ કરવામાં આવી રહી છે. મોડાસા શહેરના અગ્રણી બિલ્ડર્સ, ડૉકટર, વેપારીઓના ત્યાં દરોડા બાદ તપાસ હાથ ધરાઈ છે. બેંકમાંથી બિનહિસાબી નાણાંકીય એન્ટ્રીઓના સગડ મળવાની આશંકા છે.

અઠવાડિયા અગાઉ બિલ્ડરો અને મોટા વેપારીઓના હિસાબોની તપાસના આધારે કરવામાં આવી હતી. આ સર્ચ ઓપરેશન દરમિયાન આયકર વિભાગને મહત્ત્વપૂર્ણ દસ્તાવેજો અને નાણાકીય પુરાવાઓ મળ્યા હોવાનું જાણવા મળે છે.