અમદાવાદમાં ઈડી (એન્ફોર્સમેન્ટ ડિરેક્ટોરેટ) દ્વારા એક કથિત બેન્ક ફ્રોડ મામલે શહેરમાં ત્રણ સ્થળોએ તપાસ કરવામાં આવી હતી. 

અધિકારીઓના જણાવ્યા અનુસાર, આ કૌભાંડ આશરે ₹૧૦.૯૫ કરોડનું હોવાનો આક્ષેપ છે. 

પ્રાથમિક વિગતો મુજબ, તપાસ હેઠળની ત્રણ અમદાવાદ સ્થિત ફર્મ્સના નામ શ્રી ઓમ ફેબ, શ્રી બાબા ટેક્સટાઇલ અને શ્રી લક્ષ્મી ફેબ છે. આ ત્રણેય કંપનીઓના માલિક રણજિતકુમાર જે. લૂણીયા છે અને તે ગ્રે ક્લોથના ટ્રેડિંગ સાથે સંકળાયેલી છે. 

એવો આક્ષેપ છે કે આ કંપનીઓએ બનાવટી દસ્તાવેજોનો ઉપયોગ કરીને બેન્ક પાસેથી કેશ ક્રેડિટ (સીસી) સુવિધાઓ મેળવી હતી અને મંજૂર કરાયેલા આ ભંડોળને અન્ય હેતુઓ માટે વાળી દીધું હતું.