ઈડર તાલુકાના ઉમેદપુરા ગામે આવેલા માળિયાવાળા કૂવા તરીકે ઓળખાતી જગ્યા પર ગેરકાયદે ઉગાડવામાં આવેલા ગાંજાના ૧૮૭ છોડ કિં.રૂ. ૧૧,૩૯,૯૬૦નો જથ્થો ઇડર પોલીસે ઝડપી પાડ્યો હતો. આ મામલે ખેતર માલિક અને ભાગેથી વાવેતર કરનારા એમ બે જણાને ઇડર પોલીસે ઝડપી લઈ એન.ડી.પી.એસ. એક્ટ હેઠળ આગળની કાર્યવાહી હાથ ધરી છે. 

આ અંગે પોલીસસૂત્રોમાંથી મળતી મહિતી મુજબ ઇડર તાલુકા ઉમેદપુરા ગામના મહેન્દ્રભાઈ જયંતીભાઈ પટેલના માલિકીના માળિયાવાળા કૂવા ઉપર આવેલી ખુલ્લી જગ્યામાં ગેરકાયદે ગાંજાના છોડનું વાવેતર કરાયું હતું. આ અંગેની પોલીસને માહિતી મળતાં ઇડર પોલીસે સ્થળ પર દોડી જઈ તપાસ હાથ ધરી હતી. તપાસ દરમિયાન લીલા તથા સૂકા ગાંજાના કુલ ૧૮૭ છોડ મળી આવ્યા હતા.