દક્ષિણ ગુજરાતના વાપી તાલુકાના કરમખલ ગામે આકાશી વીજળી પડતા બે મહિલાઓનાં મોત થયા છે. કરમખલ ગામના ખાડી ફળિયા પાસે લાકડાં લેવા ગયેલી ત્રણ મહિલાઓ પર વીજળી પડી હતી. જેમાં બે મહિલાઓનાં મોત થયા છે, જ્યારે એક મહિલા સારવાર હેઠળ છે.

વલસાડ જિલ્લામાં આજે ધરમપુર, વાંકલ, ઓજર, નવેરા સહિતના ગ્રામ્ય વિસ્તારોમાં ભારે પવન સાથે વરસાદ વરસ્યો છે. પવન અને વરસાદી માહોલ વચ્ચે વૃક્ષો પણ ધરાશાયી થયા છે. ધરાશાયી થયેલા વૃક્ષ વીજળીના તાર પર પડતા વિવિધ વિસ્તારોમાં વીજ પુરવઠો પણ ખોરવાયો હતો.