સુરત જિલ્લાના ઓલપાડમાં નવા વર્ષનો પ્રથમ દિવસ જ ખેડૂતો માટે ભારે બન્યો છે. ઓલપાડ તાલુકામાં વરસાદી માવઠું થયું છે. કેટલાક ખેડૂતોએ સૂકવેલું ડાંગર પલળી જતા મોઢે આવેલો કોળી છીનવાઈ ગયા જેવી સ્થિતિ સર્જાઈ છે. પાછોતરા વરસાદને લઈને ખેતરમાં ભેજ હોવાથી ખેડૂતોએ કીમ ઓલપાડ સ્ટેટ હાઈવે પર ડાંગર સુકવ્યું હતું. આ વર્ષે સતત માવઠાના મારથી પૂરતો ઉતારો પણ નથી આવી રહ્યો. સરકાર ઝડપથી આર્થિક પેકેજ જાહેર કરે તેવી માંગ પણ કેટલાક ખેડૂતોએ કરી  છે.