પંચમહાલ: પંચમહાલ જિલ્લાના સુપ્રસિદ્ધ શક્તિપીઠ યાત્રાધામ પાવાગઢ માં આજે રવિવાર અને લાભ પાંચમના શુભ દિવસે અરબી સમુદ્રમાં સર્જાયેલા ડિપ્રેશનની અસર જોવા મળી છે. મોટી સંખ્યામાં મા કાલીના દર્શને આવેલા ભક્તોને કમોસમી વરસાદ નો સામનો કરવો પડ્યો હતો.
વહેલી સવારથી જ પાવાગઢના ડુંગર અને તળેટી વિસ્તારમાં વરસાદી માહોલ જામ્યો હતો. વરસાદને કારણે:
 મંદિર તરફ જવાના રસ્તાઓ પાણી પાણી થઈ ગયા હતા.
 વાતાવરણમાં અચાનક ઠંડક પ્રસરી જતાં માહોલ રમણીય બન્યો હતો.
એક તરફ દિવાળીના તહેવારને લઈને ભક્તો મોટી સંખ્યામાં આવી રહ્યા છે, ત્યારે આ કમોસમી વરસાદ જાણે મહાકાળીના દર્શને આવતા શ્રદ્ધાળુઓને ભીંજવી રહ્યો હતો.
પાવાગઢ ઉપરાંત પંચમહાલ જિલ્લાના અન્ય તાલુકાઓ જેવા કે જાંબુઘોડા, હાલોલ અને ઘોંઘબા માં પણ આજે વરસાદ વરસ્યો હતો. હવામાનના અણધાર્યા પલટાને કારણે ખેતીના પાક અને રોગચાળાની શક્યતા અંગે ચિંતાઓ પણ સેવાઇ રહી છે.