રાજકોટઃ આજ (૨૭ ઓક્‍ટોબર  )થી આગામી સપ્તાહ (૨ નવેમ્‍બર સુધી) ગુજરાત અને સૌરાષ્ટ્રમાં અરબી સમુદ્રના પૂર્વ-મધ્‍ય ભાગમાંથી ઉદ્વભવતા ડિપ્રેશન સિસ્‍ટમ્‍સને કારણે  માવઠાની લહેર ચાલુ રહેશે. ભારતીય હવામાન વિભાગ   અને વેધર નિષ્‍ણાતોની આગાહી પ્રમાણે, આ સિસ્‍ટમ્‍સ ૨૮ ઓક્‍ટોબર સુધી તીવ્ર બનીને રાજય પર અસર કરશે, જેના કારણે દક્ષિણ ગુજરાત અને સૌરાષ્ટ્રમાં હળવા-મધ્‍યમથી ભારે વરસાદની શક્‍યતા છે. તાપમાન ૨૨-૩૪ડીગ્રી સે વચ્‍ચે રહેશે, પરંતુ વરસાદથી ઠંડી વધશે અને કેટલાક વિસ્‍તારોમાં પૂર જેવી સ્‍થિતિ ઊભી થઈ શકે છે. 

પૂર્વ-મધ્‍ય અરબી સમુદ્રમાંથી આવતું ડિપ્રેશન  બંગાળની ખાડીના સિસ્‍ટમ્‍સ સાથે જોડાઈને રાજય પર વરસાદી પડછાયો ફેલાવી રહ્યું છે. માવઠું ચોમાસા પછીનું છે, જે ૩૦ ઓક્‍ટોબર સુધી ચાલશે.

સૌરાષ્ટ્રમાં રાજકોટ, જુનાગઢ, અમરેલી, ભાવનગર જેવા જિલ્લાઓમાં ભારે વરસાદથી ખેતરોમાં પાણી ભરાવાની શક્‍યતા છે. ૨૬મીએ પહેલેથી જ ગીર-સોમનાથમાં ૪ સે.મી. વરસાદ નોંધાયો.

ગુજરાતમાં દક્ષિણ વિસ્‍તારો (સુરત, વલસાડ, ભરૂચ)માં વીજળી-ગરજ સાથે વરસાદ, જયારે ઉત્તર ગુજરાત (અમદાવાદ, આણંદ)માં હળવો વરસાદ. નવસારીમાં ૬ સે.મી. વરસાદ પડ્‍યો.

હવામાન ખાતા દ્વારા   માછીમારોને સમુદ્રમાં ન જવાની સલાહ, કારણ કે લહેરો ઊંચી રહેશે. જાફરાબાદ જેવા બંદરોમાં ૩ નંબરનું ભયસૂચક સિગ્નલ લગાવાયું.